Foto: Kazgazeta.kz
Zań jobasyna sáıkes, qoldanystaǵy jeke sot oryndaýshylaryn zańnama men Kásiptik ar-namys kodeksin bilý deńgeıin teksere otyryp attestattaý engiziledi. Bul rette qaıta attestattaýdan ótpeý lısenzııadan aıyrýǵa negiz bolady.
Sonymen qatar kómekshiler men taǵylymdamadan ótýshilerge qoıylatyn talaptar qatańdatylady. Atap aıtqanda, sońǵy úsh jyl ishinde sybaılas jemqorlyq quqyq buzýshylyqtary úshin jaýapqa tartylǵan tulǵalardy qyzmetke jiberýge shekteý engiziledi.
Budan bólek, ádilet organdarynyń baqylaý ókilettikteri keńeıtiledi. Onyń ishinde buzýshylyqtardy joıý týraly usynystar engizý jáne olar oryndalmaǵan jaǵdaıda lısenzııanyń qoldanylýyn toqtata turý quqyǵy qarastyrylǵan.
Taǵy bir mańyzdy norma – ýákiletti organdardyń suraý salýy boıynsha jeke sot oryndaýshysynyń shottary boıynsha qarajat qozǵalysy týraly málimetterdi usyný mindeti engiziledi. Bul qarjylyq ashyqtyqty arttyrýǵa jáne zań talaptarynyń saqtalýyn qamtamasyz etýge baǵyttalǵan.
Jalpy, qabyldanǵan túzetýler jeke sot oryndaýshylary qyzmetiniń sapasyn arttyryp, azamattardyń quqyqtaryn qorǵaý tetikterin kúsheıtýdi kózdeıdi.
Alıment óndirý isi: Almatyda sot oryndaýshysy 4,2 mln teńgeni zańsyz ıemdengen
