Foto: m.zerkalo.az
Reseı prezıdentiniń kómekshisi Iýrıı Ýshakovtyń aıtýynsha, Donald Tramp Vladımır Pýtınge Ýkraınadaǵy qaqtyǵysty retteý jóninde kelisimge qol jetkizýge jaqyn qalǵanyn jetkizgen. Ýshakov Pýtınniń Jeńis kúnine oraı bitim jarııalaýǵa ázir ekenin rastady. Tramp bul bastamany qoldap, atalǵan merekeniń Ekinshi dúnıejúzilik soǵysta nasızmge qarsy ortaq jeńisti bildiretinin atap ótken.
Sonymen qatar eki el basshysy Vladımır Zelenskıı Eýropa elderiniń yqpalymen qaqtyǵysty sozýǵa tyrysyp otyr degen pikirge kelgen. Ýshakovtyń sózinshe, Pýtın Kıev bıligin Reseı aýmaǵyndaǵy azamattyq nysandarǵa soqqy berý arqyly «terrorıstik ádisterge» júginýde dep aıyptaǵan.
Kelissóz barysynda Pýtın Reseı áskeri maıdanda bastamany óz qolynda ustap otyrǵanyn jáne Ýkraına Qarýly kúshteriniń pozısııalaryn yǵystyryp jatqanyn málimdegen.
Zelenskıı: Tramp faktory Ýkraınaǵa tolyq qaýipsizdik kepili bola almaıdy
Budan bólek, Pýtın Trampqa ózine jasalǵan qastandyq áreketine baılanysty qoldaý bildirip, bul qylmysty qatań aıyptaǵan.
Aq úıde jýrnalıster aldynda sóılegen Donald Tramp Vladımır Pýtınmen áńgimesin «óte jaqsy deńgeıde» ótti dep baǵalap, Ýkraınadaǵy qaqtyǵys jaqyn ýaqytta rettelýi múmkin ekenin aıtty. Onyń sózinshe, Pýtın belgili bir máseleler boıynsha yntymaqtastyqqa daıyn ekenin bildirgen, alaıda Tramp basty basymdyq Ýkraınadaǵy soǵysty toqtatý ekenin atap ótti.
Ýkraınalyq drondar Ekaterınbýrg pen Chelıabınskige shabýyl jasady
Aıta keteıik, buǵan deıin Vladımır Pýtın 2026 jylǵy 11 sáýirden bastap bir jarym táýlikke sozylǵan pashalyq bitim jarııalaǵan edi. Alaıda keıin taraptar onyń birneshe ret buzylǵanyn málimdegen.
Dese de, kúni keshe Vladımır Zelenskıı Ýkraınanyń Bas barlaý basqarmasynyń basshysy Oleg Ivashenkomen ótkizgen keńesten keıin Reseı tarapy jańa shabýyl operasııalaryn josparlap, qosymsha adam kúshin tartýǵa daıyndalyp jatqanyn málimdedi.
