Kezdesýdiń shymyldyǵy mektep foıesindegi oqýshylardyń saltanatty «Shashý» kúıin oryndaýmen ashyldy. Ulttyq kıim kıgen oqýshylar qonaqty erekshe iltıpatpen kútip alyp, qazaqı qonaqjaılyqtyń úlgisin kórsetti. Akt zalyna jınalǵan qaýymnyń yqylasy erekshe boldy. Ár oqýshynyń júzinen tolqynys sezimi baıqaldy. Is-sharanyń alǵy sózin mektep dırektory Ǵazıza Jumasheva ashyp berip kelgen qonaqqa ujym atynan óz rızashylyǵyn bildirip, shyǵarmashylyq tabys tiledi.
Kezdesý tek konserttik baǵdarlamamen shektelmeı, erkin formattaǵy suhbatqa ulasty. 2 «D» synyp oqýshylary «Ashyq mıkrofon» aıdarynda saýaldaryn qoıyp, ánshiniń balalyq shaǵy, mekteptegi qyzyqtary men óner jolyndaǵy alǵashqy qadamdary týraly surap bildi.
«О́ner − úlken eńbek pen jaýapkershilikti talap etedi. Mektepte alǵan bilim − bolashaqtyń irgetasy», dep atap ótti О́mirqul Aınııazov.
Mekteptiń jas talanttary da qalys qalmady. Ánshiniń repertýaryndaǵy hıt ánderdi oqýshylar hormen shyrqaǵanda, kesh qonaǵy tańdanysyn jasyra almady. Bul − jas urpaqtyń zamanaýı qazaq ónerine degen qurmeti men súıispenshiliginiń aıqyn kórinisi.
Kezdesý sońynda ánshi mektepke óz lebizin bildirip, belsendi oqýshylarǵa qoltańba berdi. Mundaı kezdesýler balalardyń ónerge degen qyzyǵýshylyǵyn arttyryp qana qoımaı, olardyń boıyndaǵy patrıottyq sezim men maqsatqa degen umtylysyn oıatady
Aqmaral MURATQYZY,
Almaty qalasy Áýezov aýdany
№ 141 orta mekteptiń bastaýysh synyp muǵalimi
