Foto: Pixabay.com
Astanada kún bultty bolyp, jańbyr men naızaǵaı kútiledi, jeldiń ekpini 15–20 m/s-qa deıin jetedi. Aýa temperatýrasy túnde +10…+12°C, kúndiz +27…+29°C bolady.
Almatyda da aýa raıy turaqsyz: jańbyr, naızaǵaı jáne burshaq kútiledi, jel ekpini 15 m/s-qa deıin kúsheıedi. Túnde +13…+15°C, kúndiz +26…+28°C.
Shymkent pen Túrkistanda negizinen jaýyn-shashynsyz, biraq jel kúsheıedi – 13 m/s-qa deıin, keı jerlerde 20 m/s-qa deıin jetýi múmkin. Kúndizgi temperatýra +30°C-tan asady.
Astana, Almaty jáne Shymkent: Aldaǵy kúnderi aýa raıy qandaı bolady?
Soltústik jáne ortalyq óńirlerde aýa raıy qubylmaly bolady. Kókshetaý, Qostanaı jáne Petropavlda jańbyr, naızaǵaı jáne kúshti jel (20-28 m/s) kútiledi. Keı jerlerde burshaq jaýýy múmkin.
Batys óńirlerde – Aqtaý, Atyraý, Aqtóbe, Oral qalalarynda kóbine jaýyn-shashynsyz aýa raıy saqtalady, biraq Oralda túnde úsik bolýy yqtımal.
Ońtústik-shyǵys pen shyǵysta da aýa raıy árkelki. Semeı, О́skemen jáne Taldyqorǵanda negizinen ashyq ári jaýyn-shashynsyz aýa raıy kútiledi, kúndiz aýa temperatýrasy +27…+31°C-qa deıin kóteriledi.
Jezqazǵan, Qaraǵandy jáne Qyzylordada jańbyr men naızaǵaı bolýy múmkin, jel ekpini 14 m/s-qa deıin jetedi.
Jalpy alǵanda, 1 mamyr kúni Qazaqstan aýmaǵynyń basym bóliginde jaýyn-shashyn, naızaǵaı jáne jeldiń kúsheıýi baıqalatyn qubylmaly aýa raıy kútiledi.
Aptap ystyq, nóser, burshaq: Mamyr aıynda aýa raıy qubylmaly bolady
