Foto: Informburo.kz
Kremasııa qyzmeti dástúrli jerleý rásimine erikti balama retinde usynylady, bul turǵyndarǵa jeke kózqarasy men mádenı erekshelikterine saı tańdaý jasaýǵa múmkindik beredi.
Qala ákimdiginiń málimetinshe, krematorıı zamanaýı talaptarǵa tolyq saı jabdyqtalǵan. Munda kópsatyly tazartý júıesi bar eki pesh ornatylǵan. Qoldanylatyn tehnologııa tútin gazdarynyń tolyq janyp ketýin qamtamasyz etip, ıis pen kórinetin tútinniń paıda bolýyna jol bermeıdi. Sonymen qatar nysan ekologııalyq talaptarǵa tolyq sáıkes keledi.
Bir kremasııa rásimi shamamen eki saǵatqa sozylady. Tolyq júkteme kezinde krematorıı táýligine 8 rásimge deıin qabyldaı alady. Qyzmet kórsetý úderisi – qujattardy qabyldaýdan bastap, marqumdy sáıkestendirý jáne kúlin týystaryna tabystaýǵa deıin – qatań baqylaý tártibimen júzege asyrylady.
Nysanda jaqyndaryn aqtyq saparǵa shyǵaryp salýǵa arnalǵan arnaıy zaldar qarastyrylǵan. Qyzmetkerler sheteldik tájirıbeden ótip, sanıtarlyq jáne etıkalyq talaptardy qatań saqtaı otyryp jumys isteıdi.
