Kóktóbege kóteriletin aspaly joldyń ashylýy keıinge shegerildi

ALMATY. 14 mamyr. Qala turǵyndary men qonaqtaryn Kóktóbege alyp baratyn aspaly joldy kúrdeli jóndeý 2014 jyldyń kúzinde bastalyp, 2015 jyldyń maýsym aıyna deıin aıaqtalýy kerek edi. Biraq, belgili sebepterge baılanysty, temir arqanǵa tartylǵan joldyń ashylýy shilde aıyna shegerildi.Bul týraly tengrinews.kz habarlady. Almatynyń ataqty aspaly joly– sońǵy ret osydan 9 jyl buryn kúrdeli jóndeýden ótken. Joldyń uzyndyǵy ádettegideı – 1727 metr, bıiktigi – 80 metr, araqashyqtyqty 6 mınýtta júrip ótýge bolady. Búgingi kúni eski joldyń qurylymy túgeldeı qaıtadan kúrdeli jóndeýden ótýi tıis. Osyǵan oraı, bul ispen aspaly jol salýda jáne jóndeýde mol tájirbıesi bar reseılik “Snoýprom servıs” kompanııasy aınalysýda. Montajdaý jumysyn ýádeli merzimde oryndap úlgermegen sheteldik kompanııa soǵan qaramastan, magıstraldyń tolyqtaı jańalanyp, jańa qondyrǵylarmen jabdyqtalyp, jaz aıynyń ortasynda qalaıda iske qosylatynyna senimdi. Talǵat Súıinbaı. Derek, sýret:tengrinews.kz.