Foto: Vıdeodan alynǵan kadr
Vedomstvo málimetinshe, Azamattyq avıasııa komıteti áýejaıǵa qatysty Ákimshilik quqyq buzýshylyq týraly kodeks sheńberinde shara qoldanǵan. Bul sheshim jolaýshylar qaýipsizdigi men ınfraqurylym talaptarynyń saqtalýyn qamtamasyz etý maqsatynda qabyldanǵan.
Oqıǵadan keıin áýejaı basshylyǵy da kadrlyq sheshimderge barǵan. Atap aıtqanda, tehnıkalyq máselelerge jaýapty aǵa vıse-prezıdent Mehmet Gıýzelge tártiptik jaza qoldanyldy.
Almaty áýejaıynda 11 keli esirtkimen sheteldik ustaldy: Ol ómir boıyna sottalýy múmkin
Áýejaı ákimshiligi jolaýshylardan keltirilgen qolaısyzdyqtar úshin keshirim surap, anyqtalǵan kemshilikterdi joıý jumystary bastalǵanyn habarlady. Qazir aqaýlardy túzetý sharalary jedel túrde júrgizilip jatyr, al sý basý sebepterin tolyq joıý 6 aı ishinde aıaqtalady dep josparlanǵan.
Kólik mınıstrligi mundaı jaǵdaılarǵa jol berilmeıtinin atap ótti. Saladaǵy zań talaptarynyń saqtalýy men avıasııalyq ınfraqurylymnyń turaqty jumysy qatań baqylaýda bolady.
Eske salaıyq, 3 mamyr kúni Almatyda nóser jańbyr jaýyp, sonyń saldarynan áýejaı ǵımaratynyń shatyry arqyly sý ishke ótken. Keıin áleýmettik jelilerde tekserý jáne pasporttyq baqylaý aımaqtarynda sý saldaryn joıý jumystary túsirilgen beınejazbalar tarady. Kýágerlerdiń aıtýynsha, sý shatyrdan tikeleı ǵımarat ishine aqqan.
Almaty áýejaıyndaǵy termınaldardy jańartý jumystary qashan aıaqtalady?
