Foto: Depositphotos.com
7 arnanyń málimetinshe, qutyrý aýrýynyń deregi Esil aýdanyna qarasty Amangeldi aýylynda tirkelgen. Munda jergilikti turǵyn ıtiniń minez-qulqy kúrt ózgerip, agressıvti bola bastaǵanyn baıqap, veterınar mamandarǵa júgingen. Oqıǵa ornyna barǵan mamandar qajetti synamalar alyp, zerthanalyq tekseris júrgizip, qutyrý aýrýyn rastaǵan.
Ázirge ınfeksııanyń naqty qaıdan juqqany belgisiz. Mamandardyń boljamynsha, aýrý jabaıy janýarlar arqyly taralýy múmkin.
Osyǵan baılanysty eldi mekende karantındik shekteýler engizilip, janýarlardy satýǵa jáne syrtqa shyǵarýǵa ýaqytsha tyıym salyndy. Indettiń taralýyna jol bermeý úshin keshendi sharalar qolǵa alynǵan.
Veterınarııa basqarmasynyń ókilderi málim etkendeı, dezınfeksııa jáne janýarlardy qutyrýǵa qarsy egý jumystary júrgizilip jatyr. Qazirdiń ózinde 45 janýarǵa vaksına salynǵan: onyń ishinde 36 iri qara, 1 ıt jáne 8 mysyq bar.
О́ńirde jaǵdaı alańdatarlyq kúıde qalyp otyr. Jyl basynan beri ıt qabýynan 200-den astam adam zardap shekken.
Túlkiden taraǵan aýrý: Zaısanda iri qara mal arasynda qutyrý aýrýy tirkeldi
