Foto: Bas prokýratýra
Qujatqa Bas Prokýror Berik Asylov pen QShIKQ Basqarma tóraǵasy Erlan Dosymbekov qol qoıdy. Is-sharaǵa Bas prokýratýranyń, Syrtqy ister mınıstrliginiń, «KAZAKH INVEST» UK» AQ-nyń basshylyǵy, sondaı-aq QShIKQ Basqarmasy men Atqarýshy komıtetiniń músheleri qatysty. Berik Asylov óz sózinde ınvestısııa tartý ulttyq mańyzy bar másele ekenin atap ótip, prokýratýra organdary «Zań men tártip» qaǵıdaty negizinde quqyq buzýshylyqtarǵa áreket etýden bıznestegi problemalardyń júıeli aldyn alýǵa kóshýdi qamtamasyz etip otyrǵanyn aıtty.
SMS-blaster men dıpfeık: Bas prokýratýra 18 jańa kıberqaýipti anyqtady
Sońǵy úsh jylda kásipkerlerge qatysty tirkelgen qylmystyq ister sany 4 esege, 71,5%-ǵa qysqarǵan.
Qazir prokýratýra organdary jalpy somasy 100 trln teńgeni quraıtyn shamamen 3 myń ınvestısııalyq jobany súıemeldep jatyr. Qabyldanǵan sharalardyń nátıjesinde 250-den astam joba iske qosylyp, 30 myń jumys orny qurylǵan.
«Memorandýmǵa qol qoıý halyqaralyq bıznes-qoǵamdastyqpen yntymaqtastyǵymyzdy sapaly jańa deńgeıge shyǵarady. Prokýratýra men Qaýymdastyq arasynda turaqty tikeleı baılanys arnasy qamtamasyz etilip, ákimshilik kedergilerdi jedel joıýǵa múmkindik beredi», dedi Bas Prokýror.
QShIKQ Basqarma tóraǵasy Erlan Dosymbekov ashyq dıalogqa daıyndyq úshin alǵys bildirip, jańa ınstıtýsıonaldyq qorǵaý tetikteriniń mańyzdylyǵyn atap ótti.
Bas prokýratýra azamattardy jalǵan aqparat taratýdan bas tartýǵa shaqyrdy
«Biz Bas Prokýrorǵa Investısııalyq ombýdsmen fýnksııalarynyń berilýin jáne profıldik komıtettiń qurylýyn joǵary baǵalaımyz. Bul – quqyqtardy qorǵaý kepildikterin nyǵaıtýǵa jáne halyqaralyq bıznestiń senimin arttyrýǵa baǵyttalǵan der kezinde qabyldanǵan júıeli qadam», dedi Erlan Dosymbekov.
Taraptar Memorandým álemdik qoǵamdastyqqa Qazaqstannyń senimdi ıýrısdıksııany qamtamasyz etetini, ozyq halyqaralyq tájirıbelerdi engizetini jáne ınvestorlar úshin turaqtylyqty kepildendiretini týraly aıqyn belgi bolatynyna senim bildirdi.
Saltanatty rásim Bas prokýratýranyń Investorlardyń quqyqtaryn qorǵaý jónindegi komıtetiniń, SIM Investısııalar komıtetiniń jáne «KAZAKH INVEST» qyzmetiniń tanystyrylymdarymen, sondaı-aq qatysýshylar arasynda pikir almasýmen aıaqtaldy.
