«Samuryq-Energo» 111 jabdyq pen 19,5 km jylý magıstraline jóndeý júrgizedi

30 ret

kórsetildi

1 mın

oqý úshin

Samuryq-Energo 2026 jyly energetıkalyq nysandarda keń kólemdi jóndeý jumystaryn júrgizip, 111 birlik negizgi jabdyq pen 19,5 shaqyrym jylý magıstralin jańartýdy josparlap otyr, dep habarlaıdy Egemen.kz.

Egemen Qazaqstan

«Samuryq-Energo» 111 jabdyq pen 19,5 km jylý magıstraline jóndeý júrgizedi

Kompanııa basqarma tóraǵasy Qaırat Maqsutov Úkimet otyrysynda aldaǵy jóndeý naýqany men ınvestısııalyq jobalar týraly baıandady.

Josparǵa sáıkes, 19 jabdyq kúrdeli jóndeýden, 5-eýi keńeıtilgen jóndeýden, al 87-si aǵymdaǵy jóndeýden ótedi. Qazir jumystardyń 26%-y aıaqtalyp, 14%-y júrgizilip jatyr, qalǵan bóligi kestege saı atqarylady.

Qazaqstanda 5 jylý elektr ortalyǵy «qyzyl» aımaqtan shyqty

Negizgi jobalar qatarynda Ekibastuz GRES-1 nysanynda otyn berý júıesin jańartý jáne jańa tútin murjasyn salý, sondaı-aq Ekibastuz GRES-2 stansasynda kúl shyǵarý júıesin tolyq aýystyrý bar.

«Samuryq-Energo» stansalary elimizdegi elektr energııasynyń úshten birin óndiredi. Qazirgi tańda «Samuryq-Energo» kompanııasy turaqty paıdalaný daıyndyǵyn qamtamasyz ete otyryp, aǵymdaǵy jáne kúrdeli jóndeýdi tolyq kólemde júrgizý úshin qajetti qarjylandyrýdy qamtamasyz etip jatyr», dedi basqarma tóraǵasy.

Sonymen qatar Almaty qalasynda JEO-2 men Batys jylý keshenin baılanystyratyn 19,5 shaqyrymdyq jylý magıstralin qaıta jańǵyrtý josparlanǵan.

Nurbolat AMANBEK