Foto: «KEGOC» AQ
Onyń aıtýynsha, elektr stansalaryndaǵy jóndeý jumystaryn qarjylandyrý bıyl 9%-ǵa kóbeıgen. Odan bólek Ulttyq joba aıasynda da qarjy qarastyrylǵan. Kestege sáıkes bıyl 9 energoblokty, 55 qazandyqty jáne 51 týrbınany kúrdeli jóndeý josparlanǵan. Qazir jumystar 29 nysanda júrip jatyr. Elektr jelilerinde 1,2 myń shaqyrym elektr berý jelisi, 54 qosalqy stansa jóndeldi. Jylý jelileri boıynsha rekonsrýksııalaý jáne jóndeý jospary 377 shaqyrymdy quraıdy. Jumystar gıdravlıkalyq jáne temperatýralyq synaqtar aıaqtalǵannan keıin bastalady. Jańartý jumystarynyń qarqynyn qoldaý úshin Úkimet rezervinen 7 óńirge 25,4 mlrd teńge bólinedi. Qazir Shyǵys Qazaqstan oblysy, Jetisý, Abaı oblystaryna qarajat berildi.
Qazaqstanda 5 jylý elektr ortalyǵy «qyzyl» aımaqtan shyqty
«Bıyl Ulttyq joba boıynsha jalpy somasy 626,8 mlrd teńgege 130 shaqyrym jylý jelisin jáne 10 490 shaqyrym elektr jelisin jańǵyrtý kózdelgen. Negizgi mindet − jelilerdegi shyǵyndar men tozýdy azaıtý, sondaı-aq otandyq taýar óndirýshilerdi qoldaý», dedi Suńǵat Esimhanov.
Iri energetıkalyq nysandardan taraıtyn zııandy shyǵaryndylar 35 paıyzǵa azaıady
Vıse-mınıstr Rıdder qalasyndaǵy JEO-da № 5 jáne 6 qazandyqtarǵa jáne jylý jelileriniń 12 ýchaskesin, Taldyqorǵanda jańa qazandyqtyń qurylysy men Semeı qalasynda JEO-1 men qazandyqtaryn jóndeýge erekshe nazar aýdarylyp otyrǵanyn atap ótti. Jalpy elimizdegi energetıkalyq jáne kommýnaldyq ınfraqurylymyn jańǵyrtýǵa 1 trln teńgeden astam qarajat jumsalmaq.
