Aqtóbede 6 kúnde 52 qylmys izi sýymaı ashyldy

AQTО́BE. 14 mamyr. Aqtóbede mereke kúnderi, ıaǵnı, 6-12 mamyr aralyǵynda quqyq buzýshylyqtyń aldyn alý, qoǵamdyq qaýipsizdikti qamtamasyz etý jáne qylmyspen kúresti kúsheıtý maqsatynda ishki ister organdarynyń jeke quramy kúsheıtilgen rejımde jumys istedi. Nátıjesinde osy kúnder aralyǵynda 52 qylmys izi ashyldy. Bul týraly egemen.kz tilshisi habarlady. Qoǵamdyq tártipti saqtaýǵa jáne azamattardyń qaýipsizdigin qamtamsyz etýge 1 500-den astam qyzmetker jumyldyryldy. Onyń ishinde №6655 áskerı bólimi, Aqtóbe oblystyq qylmystyq-atqarý júıesi departamenti jáne tótenshe jaǵdaılar departamentiniń qyzmetkerleri boldy. 52 qylmystan bólek, buryn jasalǵan 14 qylmys, onyń ishinde ótken jyly jasalǵan 3 qylmys ashyldy. Budan basqa, 6 kún ishinde «múldem tózbeýshilik» tártibimen 3 441 ákimshilik quqyq buzýshylyq anyqtaldy. Onyń ishinde jol qaýipsizdigi boıynsha – 2 551 jáne kólikti mas kúıinde júrgizgen 46 derek tirkeldi. Polısııa qyzmetkerleriniń qyraǵy árketiniń nátıjesinde merekelik is-sharalar ótkizilgen jerlerde jáne qoǵamdyq oryndarda tártip buzý, sondaı-aq, asa aýyr qylmystar bolǵan joq. Satybaldy Sáýirbaı. Derek: egemen.kz. Sýret: lada.kz.