Qostanaıdaǵy qyrylǵan kıikterdiń sany 1 myńǵa jetti

QOSTANAI. 14 mamyr. Qostanaı oblysynda qyrylǵan kıikterdiń sany bir myńǵa jetti. Bul týraly egemen.kz habarlady. Osydan 11 mamyr kúni Amangeldi aýdanyndaǵy Jolaba degen jerdegi qyryǵan kıikterdiń sany 117 bolatyn. Aýyl sharýashylyǵy mınıstrligi orman sharýashylyǵy jáne janýarlar álemi komıtetiniń ınspektorlary búginge deıin ólgen kıiktiń sanyn bir myńǵa jetkenin málimdedi. Osyǵan deıin kıikter kóteremdikten qyrylyp jatyr degen boljam aıtylǵan edi. Sonda da mamandar topyraqtyń, sýdyń, bıologııalyq materıaldardyń synamasyn alyp tekserýde. Sonymen qatar ólgen kıikterdiń de synamasy alynyp, respýblıkalyq laboratorııaǵa jiberildi. Onyń saraptamalyq qorytyndysy bir aptadan keıin daıyn bolatyny aıtyldy. Kıikterdiń qyrylýy 2012 jyly da oryn alǵan bolatyn. Onda 926 aqbókenniń qyrylýyna pasterellez sebep bolǵan edi. Aýyl sharýashylyǵy mınıstrligindegi mamandar kıikterdiń qyrylýy osydan úsh jyl burynǵy kórinisti eske salatynyn aıtyp otyr.  Onda da uzaq qystan teńselip, kóterem shyqqan kıiktiń eshkileri tóldeıtin kezde juqpaly aýrýǵa tótep bere almaǵan bolatyn. 2014 jylǵy sanaq boıynsha Qazaqstanda aqbókenniń 256,7 myń eshkisi bar. Názıra Járimbetova. Derek, sýret: egemen.kz