Batys Qazaqstanda ken orny aýmaǵynan eki aýyl kóshirilmek

ORAL. 14 mamyr. Batys Qazaqstan oblysynda Qarashyǵanaq ken orny mańaıyndaǵy Berezovka jáne Bestaý aýyldary ózge jaqqa kóshirilmek. Atalǵan bastama Qazaqstan Úkimeti Qarashyǵanaq ken ornynyń sanıtarlyq qorǵaý aýmaǵy radıýsyn belgileý jónindegi jańa jobany bekitken kezde júzege asady. Bul týraly egemen.kz tilshisi habarlady. Qolǵa alynǵan áleýmettik mańyzy óte joǵary máselege baılanysty Qarashyǵanaq kenishindegi KPO b.v. konsorsıýmy sanıtarlyq qorǵaý aımaǵy radıýsyn ulǵaıtý jónindegi jobany jasaqtady. Ony elimizdiń Densaýlyq saqtaý mınıstrligi tutynýshylardyń quqyn qorǵaý jónindegi komıtetke tapsyrdy. Jer qoınaýyn paıdalanýshylardyń ómirsheń kózqarasynan týyndaǵan tyń joba ken ornynyń ońtústik bóligindegi nysandardyń jabdyqtaryn jańǵyrtýmen baılanysty bolyp otyr. Soǵan sáıkes sanıtarlyq qorǵaý aımaǵynyń is-áreket aýmaǵyna Berezovka jáne Bestaý aýyldary ilingen. Atalǵan eldi mekenderdiń turǵyndaryna kóshý úshin Bórli, Araltal aýyldary men Aqsaı qalasy usynylǵan. Batys Qazaqstan oblystyq ákimdiginen alynǵan aqparatta Aqsaı qalasyna adamdardy kóshirý bıylǵy jyldyń úshinshi toqsanyna belgilengeni kórsetilgen. Kelesi kezektegi Bórli men Araltal aýyldaryna turǵyndar tıisinshe 2016 jáne 2017 jyldary kóshirilmek. «Kóshý merziminiń bulaı bolý sebebi, jer telimderin berý men úı qurylystaryn júrgizýge baılanysty», – deıdi Batys Qazaqstan oblysy ákiminiń baspasóz hatshysy Qaırat Abýov. Temir Qusaıyn. Derek: egemen.kz. Sýret: uralskweek.kz.