Atyraýda kóp serııaly fılm túsirildi

ATYRAÝ. 14 mamyr. Atyraý oblysynda «О́mirzaıa» dep atalatyn 5 serııaly fılm túsirildi. Bul týraly egemen.kz tilshisi habarlady. Fılmniń qoıýshy rejısseri mindetin «Qazaqstan-Atyraý» telearnasynyń dırektory Asqar Áshimov atqarsa, ssenarıin osy ujymdaǵy jas jýrnalıst Nurbergen Maqym jazǵan. Al basty rólderde Mahambet atyndaǵy drama teatrynyń akterlary Sábıt Qojabekov, Qanat Izet, Altynbek Qurmanov jáne Qalıbek Qýanyshbaev atyndaǵy akademııalyq mýzykalyq drama teatrynyń akteri Nartaı Sársenbaev oınady. Atyraý qalasynda jáne Mahambet aýdany aýmaǵynda túsirilgen fılmniń ár serııasynyń uzaqtyǵy – 45 mınýt. Oblystyq din isteri basqarmasynyń memlekettik tapsyrysymen túsirilgen kınotýyndyda jastardy dástúrli emes aǵymdarǵa tartyp, ekstremıstik pıǵyldaǵy toptarǵa aldap shaqyrýshylardyń beınesi áshkerelenedi. Fılmniń bıýdjeti 10 mln. teńgeni quraǵan. Joldasbek Shópeǵul. Derek, sýret: egemen.kz.