Petropavl polıseıleri iri mólsherdegi esirtki zattaryn áshkereledi

PETROPAVL. 14 mamyr. Qalada tártip saqshylary jedel túsken aqparat boıynsha iz kesip, iri kólemdegi esirtki zattaryn satpaq bolǵan kúdiktini qolǵa túsirdi. Bul týraly oblystyq ishki ister departamentiniń baspasóz qyzmeti habarlady. Tapatal túste qalanyń qaq ortasynda quryqtalǵan 27 jastaǵy esirtki saýdalaýshy qoǵamdyq paıdaly eńbekpen aınalysýdyń ornyna jeńil paıda tappaq bolǵan.  Qazir ol tergeý oqshaýlaǵyshqa qamalyp, qylmystyq is qozǵaldy. Kinási dáleldense, 10 jyldan 15 jylǵa deıin bas bostandyǵynan aırylýy yqtımal. «Esirtki bıznesimen kúres bóliminiń qyzmetkerleri jyl basynan beri 10 kılo esirtki zattaryn tárkiledi. Esirtkige táýeldi 649 adam esepte tur», deıdi qalalyq IIB-nyń basshysy Qaırat Orazalın. О́mir Esqalı. Derek, sýret: Soltústik Qazaqstan oblystyq ishki ister departamentiniń baspasóz qyzmeti.