Foto: jasqazaq.kz
Vedomstvonyń málimetinshe, moratorııdiń aıaqtalǵannan keıin tarıfter kúrt emes, birtindep jáne «halyqqa barynsha jeńil júktememen» kóterilip jatyr. Baǵa ózgerisi ár óńirdegi ınfraqurylym jaǵdaıy men ınvestısııalyq baǵdarlamalardyń qajettiligine qaraı bekitiledi.
1 sáýirden bastap birqatar óńirlerde tarıfter kelesideı ósti: Astanada:
- jylý – 15%
- sý jáne káriz júıesi – 29%
Ulytaý oblysynda:
- jylý – 29%
- sý jáne káriz júıesi – 35%-ǵa deıin.
Buǵan deıin Qaraǵandyda kommýnaldyq qyzmet baǵasy 2027 jylǵa deıin tómendetilgeni týraly jazǵanbyz.
Aqmola oblysynda:
- jylý – 15%
- sý jáne káriz júıesi – 20%
Al Almatyda jylý tarıfi 5% artty.
Mamandar mundaı ósimdi ınfraqurylymnyń tozý deńgeıimen, jelilerdi jańǵyrtý qajettiligimen, qyzmetkerler jalaqysynyń kóterilýimen jáne kómir, gaz, mazýt pen elektr energııasy sııaqty otyn túrleriniń qymbattaýymen túsindiredi.
Energetıkalyq jáne kommýnaldyq ınfraqurylymdy jańǵyrtýǵa qansha qarjy jumsalady?
Tabıǵı monopolııalar sýbektileriniń ótinimderine qaraı tarıfter aldaǵy ýaqytta da ózgerýi múmkin. Degenmen olardyń ósýi tek ınflıasııalyq dáliz sheńberinde ǵana júzege asady.
Áleýmettik osal toptar úshin turǵyn úı kómegi mehanızmi saqtalady. Eger otbasynyń kommýnaldyq shyǵyny tabystyń 5-10%-ynan asyp ketse, aıyrmasy memleket tarapynan óteledi.
Buǵan deıin Ulttyq ekonomıka vıse-premeri Serik Jumanǵarın kommýnaldyq jáne ınfraqurylymdyq qyzmet tarıfterin kezeń-kezeńimen kóterý josparlanyp otyrǵanyn aıtqan edi. Onyń málimetinshe, 1 sáýirde aıaqtalǵan úsh aılyq moratorıı tarıfterdi óńirler boıynsha qaıta eseptep, teńgerimdi túrde ósirýge múmkindik bergen. Úkimet esepteýinshe, bul sharalardyń ınflıasııaǵa áseri 0,3%-dan aspaıdy.
