Elbasy Premer-Mınıstr Kárim Másimovti qabyldady

ASTANA. 14 mamyr. Memleket basshysy Premer-Mınıstr Kárim Másimovti qabyldady. Bul týraly akorda.kz  habarlady. Kezdesý barysynda Kárim Másimov Qazaqstan Prezıdentine negizgi áleýmettik-ekonomıkalyq kórsetkishter, mańyzdy memlekettik baǵdarlamalardyń júzege asyrylýy, sondaı-aq, Jańǵyrtý jónindegi ulttyq komıssııanyń qazirgi qyzmeti týraly baıandady. Nursultan Nazarbaev komıssııanyń belsendi ári tıimdi jumys istegeni mańyzdy ekenin atap ótti. «Komıssııa ózine tapsyrylǵan mindetterdi tezirek oryndaýǵa kiriskeni jón. Zańnamalyq ózgerister jobasynyń bir bóligin Parlamenttiń qyrkúıektegi sessııasyna deıin ázirleý kerek, bul alǵa qoıylǵan mindetterdi ýaqytynda júzege asyrýǵa oń yqpal etedi», – dedi Memleket basshysy. Qazaqstan Prezıdenti kóktemgi egis jumystaryn sapaly atqarý isine atsalysý, eldiń ári qaraı ındýstrııalyq-ınnovasııalyq damýyn, sondaı-aq, onyń negizgi ekonomıkalyq kórsetkishteriniń ornyqtylyǵyn qamtamasyz etý qajettigine nazar aýdardy. Kezdesý qorytyndysy boıynsha Memleket basshysy birqatar naqty tapsyrma berdi. Elaman Qońyr. Derek, sýret: akorda.kz.