Foto: Ashyq derekkóz
«Biz oıy ozyq, órkenıetti el bolamyz desek, eń aldymen qoǵamdaǵy kez kelgen mádenıetsiz áreketke, jabaıy júris-turys pen turpaıy taǵylyqqa, ıaǵnı, vandalızmge túbegeıli tosqaýyl qoıýymyz kerek. О́kinishke qaraı, sońǵy ýaqytta tarıhı jáne mádenı nysandarǵa qasaqana zııan keltirý jaǵdaılary jıilep ketti», dedi Memleket basshysy.
Prezıdent jaqynda ǵana Mańǵystaý oblysynyń Ybyqty saı shatqalynda bolǵan oqıǵa boıynsha tıisti ókiletti organdar qatań quqyqtyq qorytyndy shyǵarýy kerek ekenin aıtty.
«Biz tutas qoǵam bolyp osyndaı zańsyz áreketterge úzildi-kesildi qarsy turýymyz qajet. Zańdy qurmetteý, tabıǵatty aıalaý, jaýapkershilik, jasampaz patrıotızm qaǵıdattary qoǵamdyq sanada túbegeıli ornyǵýǵa tıis. Bul qasıetter azamattarymyzdyń, ásirese, óskeleń urpaqtyń dúnıetanymy keń, minez-qulqy durys adam retinde qalyptasýyna negiz bolýy kerek», dedi Qasym-Jomart Toqaev.
Eske sala keteıik, Memleket basshysy mádenıet jáne óner qyzmetkerlerin marapattaý rásiminde sóz sóılep, «Asyl mura» ulttyq syılyǵy taǵaıyndalatynyn aıtty.
Prezıdent: Jastarymyzdy qatań, tipti qatigez básekeles ortada tabysqa jetýge daıarlaýymyz kerek
