Foto: Ashyq derekkóz
Tıisti saýaldy depýtat Nursultan Baıtilesov jarııa etti.
О́tinishte Astanada ótken «transformasııalyq» trenıngterdiń birinde qatysýshylardyń psıhologııalyq tájirıbe degen jeleýmen jappaı beıádep sózder qoldanǵan vıdeosy qoǵamda keń rezonans týdyrǵany aıtylǵan.
Depýtattardyń málimetinshe, atalǵan sharany uıymdastyrýshy usaq buzaqylyq faktisi boıynsha ákimshilik jaýapkershilikke tartylǵan. Sonymen qatar depýtattar muny bir rettik jaǵdaı emes, qoǵamdaǵy aýqymdy tendensııanyń kórinisi dep sanaıdy.
«Is júzinde biz qoǵamdyq kommýnıkasııadaǵy ruqsat etilgen shekaralardyń bulyńǵyrlanyp bara jatqanyn kórip otyrmyz. Bylapyt sózder qalypty qubylys retinde qabyldana bastady», delingen depýtattyq saýalda.
Saýal avtorlary ásirese bilim berý jáne aǵartýshylyq ortada agressıvti ári obssendi leksıkanyń nasıhattalýy alańdatarlyq jaǵdaı ekenin atap ótti.
Depýtat «Taza Qazaqstan» jalpyulttyq qozǵalysyn qurýdy usyndy
Olardyń pikirinshe, másele júıeli sıpat alyp barady. О́ıtkeni balalar men jasóspirimder ınternette, áleýmettik jelilerde jáne kúndelikti ómirde mundaı kontentpen jıi betpe-bet keledi.
Depýtattar «Qazaqstan Respýblıkasyndaǵy balanyń quqyqtary týraly» zańnyń 36-babyna sáıkes memleket kámeletke tolmaǵandardy olardyń rýhanı jáne adamgershilik damýyna zııan keltiretin aqparattan qorǵaýǵa mindetti ekenin eske saldy.
AMANAT fraksııasy Úkimetke:
- jappaı trenıngter men is-sharalarda bylapyt sózderdi jarııa qoldanýǵa resmı quqyqtyq jáne etıkalyq baǵa berýdi;
- trenıng, semınar jáne leksııa uıymdastyrýshylaryna naqty etıkalyq talaptar engizý múmkindigin qarastyrýdy;
- ásirese jastar men áleýmettik jeliler arasynda sóıleý mádenıetin, syılastyq qaǵıdalaryn jáne «Adal azamat» qundylyqtaryn nasıhattaýdy kúsheıtýdi usyndy.
Saýalda sózge qurmet pen qarym-qatynas mádenıeti memlekettik saıasat pen qoǵamdyq tárbıeniń mańyzdy bóligi bolyp qalýy tıis ekeni de atap ótilgen.
Eske sala keteıik, buǵan deıin áleýmettik jelilerde áıelderge arnalǵan master-klass kezinde beıádep sózder aıtqan vıdeo taraǵan edi.
