«Búkil halyqtyń qalaýy – sizdiń saılaýǵa qatysqanyńyz»

* Prezıdent poshtasynan Memleket basshysynyń atyna kórnekti memleket qaı­ratkerlerinen, qoǵamdyq birlestik ókilderinen, eńbek ujym­darynan, oqý oryndarynan, elimizdiń túrli óńirlerindegi azamattardan kóptegen hattar kelip tústi, – dep habarlady Prezıdenttiń baspasóz qyzmeti. Hattarda saılaý ótkizý jónindegi sheshimniń der kezinde qabyldanǵany aıtylǵan, sondaı-aq Nursultan Nazarbaevqa óz kandıdatýrasyn Qazaqstan Respýblıkasy Prezıdenti laýazymyna usynýǵa usynys bildirgen. Atap aıtqanda, KSRO Halyq ártisi, Sosıalıstik Eńbek Eri B.Tólegenova Memleket basshysy júrgizip otyrǵan saıasattyń aınalasynda shoǵyrlaný eldiń ári qaraı júıeli damýy men aza­mat­tardyń baqýatty bolýynyń kepili bolyp sanalatynyna senimdi ekenin bildirgen. «Qazaqstan jyldan-jylǵa órkendep, álemdegi bedeldi ári qurmetti elge aınalyp keledi. Táýelsizdigimiz máńgilik bola bersin», – dep jazady avtor. Qazaqstan Horeograftary odaǵy­nyń atynan hat jazǵan otandyq balettiń kórnekti qaıratkerleri elimizdiń táýel­sizdik jyldarynda jetken barlyq, so­nyń ishinde mádenıet jáne óner sala­syndaǵy tabystary Memleket basshy­synyń atymen tikeleı baılanys­ty ekendigine toqtalǵan. «Osynyń bári – kóshbasshysy О́zińiz bolyp otyrǵan, tabysty memleket qurý jónindegi biryńǵaı strategııalyq baǵdarlamanyń kórinisteri.  Biz Sizge senemiz jáne órkendeý men tatýlyqty, jalpy adamzattyq qundylyqtar saltanat quratyn joldy tańdaımyz», – delingen hatta. Almaty qalasy ákiminiń kon­serttik orkestriniń músheleri qazaq­stan­dyqtardyń órkendeýin, qaýipsizdigin qamtamasyz etý, ál-aýqatyn arttyrý respýblıka damýynyń basym baǵyttary bolyp otyrǵany úshin alǵys bildirgen. «Biz úshin Siz sııaqty Elbasynyń basshylyǵynda bolý qurmet, sol sebepti de bizder, óner adamdary, burynǵysha Sizge qýana daýys beremiz. Aldaǵy saılaý elimizdiń birligin nyǵaıtyp, Qazaqstan qoǵamyn budan ári uıystyra túsedi dep úmittenemiz», – dep jazady hat avtorlary. Qazaqstannyń halyq emshileri qaýym­dastyǵynyń ókilderi prezıdent saı­laýyn ótkizýdi qoldaı otyryp, bul turaqtylyqty saqtaýǵa, áleý­met­tik-eko­nomıkalyq damýǵa, Memle­ket bas­shy­sy bastamashylyq etken negiz­gi memle­kettik baǵdarlamalarda belgi­len­gen maq­sattarǵa jetýge oń yqpalyn tıgizetinin aıtqan. H.Dosmuhamedov atyndaǵy Aty­raý memlekettik ýnıversıtetiniń us­taz­dar ujymy men stýdent jastary Mem­leket basshysyna «Qazaqstan-2050» Stra­tegııasyn jáne «Máńgilik El» ıdeıasyn júzege asyrý úshin mandat berý mańyzdy dep sanaıdy. «Eldi bir maqsat, bir múdde, bir bo­lashaq úshin shoǵyrlandyrýǵa baǵyt­talǵan Memleket basshysynyń saıa­satyn qoldaý – bizdiń paryzymyz. Biz álemdegi eń damyǵan 30 eldiń qata­ryna kirý jónindegi maqsatqa Elbasymen birge jetemiz», – delingen hatta. M.Áýezov atyndaǵy Ońtústik Qa­zaq­stan memlekettik ýnıversıtetiniń ujymy prezıdent saılaýyn ótkizý týraly sheshim úshin Memleket basshysyna alǵys aıtqan. «Biz eldiń ǵylymı-aǵartýshylyq saladaǵy barlyq jetistikterin Sizdiń jan-jaqty qoldaý kórsetýińizben baılanystyramyz. Sondyqtan Sizden aldaǵy saılaýǵa óz kandıdatýrańyzdy usynýdy suraımyz», – dep jazady avtorlar. Oral qalasynyń daryndy balalarǵa arnalǵan S.Seıfýllın atyndaǵy  oblystyq mamandandyrylǵan qazaq mektep-ınternaty muǵalimderiniń ujymy Nursultan Nazarbaevtyń ómir joly men tulǵasy óskeleń urpaq úshin erlik pen tabandylyqtyń úlgisi bolyp sanalatynyn aıtqan. «Otanǵa qyzmet etýge, tatýlyq pen kelisim jaǵdaıynda balalarǵa bilim berýge jasalǵan múmkindik úshin Sizge sheksiz rızashylyq bildiremiz. Osynyń bári – Sizdiń syndarly saıasatyńyzdyń nátıjesi. Bolashaqta elimiz osy baǵytta damı bergenin qalaımyz. Biz Sizben birge tabysty Qazaqstandy qoldaımyz», – delingen hatta. «Tatýlyq pen kelisim keńesi» qoǵam­dyq birlestiginiń Aqtóbe oblystyq fılıalynyń tóraǵasy K.Espaǵambetov búginde beleń alǵan álemdik daǵda­rysqa, sondaı-aq eshkimdi beıjaı qal­dyr­maıtyn alys jáne jaqyn óńirlerdegi janjaldarǵa nazar aýdarady. «Dál osy kezde budan ári jasalatyn qadamdy anyqtap alý qajet. О́ńir halqy Memleket basshysynyń baǵytyn qoldaı otyryp, uıymshyldyq pen birlik kórsetetinine senimdimin», – dep jazady avtor. Prezıdent saılaýyn ótkizý týraly usynysyn qabyl alǵany úshin Qazaqstan Prezıdentine rızashylyq bildirgen «Kentaý transformator zaýyty» AQ eńbekkerleri de qoldaý hattaryn joldapty. «Memleketti basqarý kez kelgenniń qolynan kelmeıdi. Bul saılaý mem­lekettilikti, halyqtyń birligin tarazy basyna qoıady. Osyǵan baılanysty bizdiń qalaýymyz, búkil halyqtyń qalaýy – Sizdiń saılaýǵa qatysqanyńyz», – delingen hatta. О́z hatynda Kókshetaý qalasyndaǵy «Olımp-Kókshe» JShS dırektory V.Smokvın saılaý aldyndaǵy naý­qan qarsańynda Nursultan Nazar­baevqa qoldaý lebizin jetkizgen. «Bek senimdimin, Siz – búkil halyq tańdaǵan, budan bylaı da bizdiń mem­leketti jańa jeńisterge bastaýǵa tıis birden-bir Prezıdentsiz, bul rette ózge balamanyń bolýy múmkin emes. Siz­diń arqańyzda Qazaqstannyń órken­degen elge aınalýǵa, tek myqty Kóshbasshynyń, kemeldengen memle­ket­tiń jáne jumylǵan halyqtyń qolynan keletin jańa jetistikterge jetýge qa­zaqstandyqtardyń ázir ekenin búkil álemge kórsetýge múmkindigi bar», – dep jazady avtor. Almaty qalasynan hat jazǵan A.Ákimuly da prezıdent saılaýyn ótkizý memleketimizdiń damýynda mańyzdy ról atqaratynyn atap ótken. «Búkil otbasymyz bolyp Sizden saı­laýǵa qatysýyńyzdy ótinemiz jáne belsendi úgit-nasıhat jumysyn júrgi­zýge bar kúsh-jigerimizdi jumsaı­ty­ny­myzǵa sendiremiz. Sizdiń aıqyn jeńiske je­tetinińizge senimdimiz», – dep jazady avtor. Nursultan Nazarbaevtyń atyna birqatar hat Ońtústik Qazaqstan oblysynan kelip tústi. Máselen, Túrkistan qa­lasyndaǵy B.Sattarhanov atyndaǵy «Na­mys» jastar qoǵamdyq birlestiginiń músheleri bul saılaý elimizdegi dos­tyq­tyń, kelisimniń, birliktiń jáne turaq­tylyqtyń aıǵaǵyna aınalatynyn atap ótken. Avtorlar Memleket bas­shy­syn onyń júrgizip otyrǵan saıasa­tyn qoldaıtyndaryna jáne jaqtaı­tyndaryna sendirgen. Shymkent qalasynyń qarttar men múgedekter úıiniń turǵyndary Memle­ket basshysynyń kóregen saıasaty búkil Qazaqstan halqynyń, ásirese áleýmettik mekemelerde turatyn adamdardyń múddesin qorǵaýǵa baǵyttalǵanyna nazar aýdarǵan. «Biz eldiń bolashaǵyn Sizben ǵana baılanystyramyz. Biz Qazaqstannyń turaqtylyǵyn jáne órkendeýin, óskeleń urpaqtyń alańsyz bolashaǵyn qoldaımyz. Sondyqtan Sizdiń saılaýǵa mindetti túrde qatysqanyńyzdy qa­laı­myz», – delingen hatta. Saılaý ótkizýdi qoldap, Saryaǵash qala­synan hat jazǵan zeınetker T.Áýe­zov Nursultan Nazarbaevqa densaý­lyq pen tabys tileıdi. Qazybek bı aýylynyń turǵyny Ú.Ja­qypov Memleket basshysy halyq qalaýyn eskerip, prezıdenttik saılaýǵa qatyssa degen tilegin bildirgen. Qazaqstan Respýblıkasy Prezı­dentiniń kezekten tys saılaýyn bel­gileýge baılanysty hattar legi áli de jalǵasýda.