Bıyl 27 maýsymda Ulytaý óńirinde ulttyq qundylyqtardy ulyqtaıtyn erekshe mádenı is-shara – «Kókmaısa – Uly dalanyń tiri tarıhy» respýblıkalyq etnomádenı festıvali ótedi. Festıval Jańaarqa aýdanyna qarasty Eralıev aýylynda saǵat 10:00-de bastalady.
Is-shara baǵdarlamasy qazaq halqynyń baı murasy men salt-dástúrlerin keńinen tanystyrýǵa arnalǵan. Qonaqtar etnoaýyldardy aralap, ulttyq turmys pen dástúrlermen tanysa alady. Sondaı-aq qazaqtyń qymyz mádenıetin nasıhattaıtyn «Qymyzmuryndyq» rásimi kórsetiledi.
Tarydan 50 túrli taǵam: Aqtóbede Shyǵanaq Bersıev murasyn ulyqtaǵan gastrofestıval ótti
Festıval aıasynda ulttyq sport oıyndary uıymdastyrylyp, qolóner sheberleriniń kórmesi ótedi. Budan bólek, bir mezette 500 bıeni saýý rásimi kórsetiletin tarıhı kórinis kórermen nazaryna usynylady. Uıymdastyrýshylar bul kórinis qazaqtyń kóshpeli ómir salty men jylqy mádenıetin pash etetin erekshe sharalardyń biri bolatynyn atap ótti.
Merekelik baǵdarlamanyń sońy tanymal óner juldyzdarynyń qatysýymen ótetin úlken konsertke ulasady.
«Kókmaısa» festıvali – Uly dalanyń rýhyn, ata-baba dástúrin jáne qazaq halqynyń mádenı murasyn jańǵyrtatyn biregeı joba. Uıymdastyrýshylar barsha qazaqstandyqtardy tarıhı-mádenı merekeniń kýási bolýǵa shaqyrady.
