Tergeý málimetinshe, er adam 2024 jyldyń qazan aıynan 2025 jyldyń tamyzyna deıin Arqalyq ken ornyndaǵy tehnogendik mıneraldyq túzilimderdi alyp, saqtap, óńdep, keıin kommersııalyq kompanııa arqyly satqan degen kúdikke ilingen.
Alaıda sot barysynda bul mıneraldyq túzilimderdiń eshbir uıymnyń balansynda bolmaǵany jáne ekonomıkalyq aınalymda paıdalanylmaǵany anyqtaldy. Sondyqtan olardy urlyq nysany retinde qarastyrý múmkin emes degen qorytyndy jasaldy.
Sot sondaı-aq jer qoınaýyn paıdalaný lısenzııasynyń bolmaýy ózdiginen zańsyz kásipkerlik qylmysyn quramaıtynyn atap ótti. Budan bólek, aıyptaýshy tarap keltirgen shyǵyn kólemin esepteý ádisi de synǵa ushyrady.
Nátıjesinde sot er adamdy barlyq aıyptar boıynsha aqtap, oǵan zańsyz qylmystyq qýdalaý saldarynan keltirilgen zııandy óteý quqyǵyn berdi.
Úkim ázirge zańdy kúshine engen joq.
