Sýret Pavlodar oblysy bilim berý basqarmasynan alyndy
Ustazdarynyń aıtýynsha, Áltaıyrdyń bilim báıgesindegi jeńisti joly jyl boıǵy talpynysynan anyq baıqalǵan. Qańtar aıyndaǵy synama testileýde 123 upaı jınasa, naýryz aıynda nátıjesin 131 upaıǵa deıin kótergen. Al negizgi synaqta óz múmkindigin tolyq dáleldep, absolıýtti nátıje kórsetti. Mundaı kórsetkishke jetý – kez kelgen talapkerdiń armany, al oǵan qol jetkizý – tek úzdikterdiń enshisindegi jetistik.
«Áltaıyr Áset – bilimimen ǵana emes, jan-jaqtylyǵymen de erekshelengen daryndy jas. 2024–2025 oqý jylynda qalalyq jáne oblystyq «Abaı oqýlaryna» qatysyp, júldeli oryndardy ıelendi. Buǵan qosa Abaı oblysynda ótken respýblıkalyq kezeńde I oryndy jeńip alyp, óziniń ádebıetke, sóz ónerine degen erekshe qabiletin dáleldedi», deıdi №7 orta mekteptegi ustazdary.
Daryndy túlek ǵylym-bilim saıystarynda da bıikterden kóringen. «Altyn túlek» olımpıadasynyń qalalyq jáne oblystyq kezeńderiniń I oryn ıegeri atanyp, úzdik oqýshylar qatarynan tabyldy. Al jalpy bilim beretin pánder olımpıadasynda matematıka páninen III oryn alyp, aımaq namysyn abyroımen qorǵady.
Áltaıyr qazirgi ýaqytta Astanadaǵy Maqsut Nárik-baev atyndaǵy ýnıversıtetti tańdap, «Menedjment» mamandyǵyna oqýǵa túsýdi uıǵaryp qoıypty. Ol úshin aǵylshyn tilinen qosymsha ielts emtıhanyn tapsyrmaqshy. Al ózi UBT-dan qosymsha kýrs oqyǵan bilim uıymy oǵan elordadan páter tartý etken.
Bilimge qushtar, jaýapkershiligi joǵary talapker óz jetistigi arqyly mektebiniń ǵana emes, búkil Ertis–Baıan óńiriniń mereıin ústem etti. Onyń jetistigi – ata-anasynyń tárbıesi men ustazdarynyń tynymsyz eńbeginiń nátıjesi. Bilim men parasatty serik etken Áltaıyr kóptegen jas talapkerge úlgi bolǵany aıdan anyq.
PAVLODAR
