Foto: istockphoto.com
Aqmola oblystyq Tótenshe jaǵdaılar departamentiniń málimetinshe, qaıǵyly oqıǵa 3 maýsym kúni Qosshy qalasynda bolǵan. Nura-Esil kanalynda dosymen birge shomylýǵa barǵan 10 jastaǵy bala sýǵa batyp ketken.
Mamandardyń aıtýynsha, aýmaqta sýǵa túsýge tyıym salynǵan belgiler ornatylǵan.
«Astana qalasy TJD jedel-qutqarý jasaǵynyń kúshimen balanyń denesi tabylyp, sýdan shyǵaryldy», dedi Aqmola oblysy TJD resmı ókili Ersaıyn Qoıshybaev.
Jaz kelisimen sý aıdyndarynda balalar ólimi jıilep barady. Apta ishinde dál osyndaı qaıǵyly jaǵdaı Qostanaı men Qaraǵandy oblystarynda tirkelip edi. Sol sebepti qutqarýshylar ata-analarǵa balalardy sý aıdyndarynyń mańynda qaraýsyz qaldyrmaýǵa shaqyrady.
