Eksportqa qoldaý kúsheıedi

Memleket basshysynyń ekonomıkany qarjylandyrýdy kóbeıtý týraly tapsyrmalaryn oryndaý aıasynda Dırektorlar keńesi Holdıngtiń resýrs­tyq bazasyn keńeıtýge ári basym sa­lalardy qoldaýdy arttyrýǵa baǵyt­talǵan birqatar sheshim qabyldady.

Otandyq eksporttaýshylardy qol­daý máselesine erekshe nazar aýda­ryl­dy. Dırektorlar keńesi «Qazaq­­stannyń eksporttyq-kredıttik agenttigine» memleket kepildigimen 250 mlrd teńge tartýǵa ruqsat berdi. Ke­pildik 10 jyl merzimge berile­di. Bul qarajat agenttiktiń eksport­taý­shy­larǵa saqtandyrý men kepildik berý múmkindigin keńeıtip, shıkizat­tyq emes ónim óndirýshilerge qoldaý kór­setý kólemin keńeıtýge jol ashady.

Nátıjesinde kásipkerlerdiń eksport­tyq qarjylandyrýy jaqsara­dy. Bıyl agenttiktiń saqtandyrý men kepildik mindettemeleriniń jalpy kólemi 1,2 trln teńgege jetedi degen úmit bar. Sondaı-aq «Báıterek» holdınginiń 2026–2028 jyldarǵa arnalǵan ornyqty damý jospary bekitildi. Qujat ekologııalyq taza jobalardy qarjylandyrýdy kóbeı­týge, kómirtegi shyǵaryn­dylaryn azaıtatyn bastamalardy qol­daýǵa, korporatıvtik basqarý­dyń ashyqtyǵyn arttyrýǵa ári táýekelderdi tıimdi basqarýǵa baǵyttalǵan. Budan bólek, áleýmettik jobalardy iske asyrý, kadrlyq saıasatty jetildirý, halyqaralyq úzdik tájirıbelerdi engizý de negizgi basymdyqtardyń qataryna engizildi.

Qazir holdıng Birikken Ult­tar Uıymynyń Turaqty damý maqsattarynyń 17 baǵytynyń 15-in óz qyzmetinde eskerip keledi. Bul baǵyttaǵy jumystyń nátıjesinde 2025 jyldyń qorytyndysynda Sustainable Fitch halyqaralyq reıtıng agenttigi holdıngtiń ESG-reıtıngin «3» deńgeıden «2» deńgeıge kóterdi. Osy kórsetkish holdıngtiń turaqty damý salasyndaǵy halyqaralyq talap­tarǵa sáıkestigin rastaıdy. Oty­rys sońynda táýekelderge qatysty shoǵyr­landyrylǵan esep, Ishki aýdıt qyz­metiniń esebi, Sybaılas jemqor­lyqqa qarsy komplaens-qyzmettiń 2026 jyldyń birinshi toqsanyndaǵy jumysy týraly esep bekitildi.