Foto: Ashyq derekkóz
Ktk.kz málimetinshe, ózge jumysshylar zardap shekken jigitke kómek kórsetip, ol dereý aýrýhanaǵa jetkizilgen.
Semeı qalalyq jedel medısınalyq járdem aýrýhanasynyń travmatologııa bóliminiń meńgerýshisi Daryn Baqtybaevtyń aıtýynsha, qazir naýqas tolyq kólemde em qabyldap jatyr, jaǵdaıy ortasha aýyr. Endi oǵan uzaq ýaqyt ońaltý sharalary men protez qajet bolady.
Pavlodar oblysynda taksı jol apatyna ushyrap, stýdent eki aıaǵynan aıyryldy
Anyqtalǵandaı, stýdent qurylys alańynda resmı túrde jumys istemegen. Onymen eńbek sharty jasalmaǵan.
Endi otbasy jumys berýshiniń jaýapkershilikti óz moınyna alýyn talap etip, quzyrly organdardan istiń mán-jaıyn jan-jaqty tekserýdi surap otyr.
Kásiporyn ázirge bul oqıǵaǵa qatysty eshqandaı túsinikteme bermegen.
Oqıǵanyń mán-jaıyn eńbek ınspeksııasy tekserip jatyr.
«2026 jylǵy 3 maýsymda osy jazataıym oqıǵa boıynsha tergeý júrgizý týraly buıryq shyǵaryldy. Tergeý 10 jumys kúni ishinde júrgiziledi. Tergeý aktisi daıyndalǵannan keıin barlyq jınalǵan materıaldar quqyq qorǵaý organdaryna joldanady», dedi Abaı oblysynyń memlekettik eńbek ınspektory Temirlan Ámirtaev.
Buǵan deıin, Abaı oblysynda osyǵan uqsas oqıǵa bolǵan. 20 jastaǵy jigit qurylys alańynda qolynan aıyrylyp, jumys berýshi kináli dep tanylǵan.
