Astanada 100-ge jýyq kommýnaldyq qyzmetker Ánurandy shyrqady

1 mın

oqý úshin

Memlekettik rámizder kúnine oraı Astanadaǵy «Báıterek» monýmenti alańynda erekshe patrıottyq is-shara ótti. «Astana Tazalyq» mekemesiniń 100-ge jýyq qyzmetkeri bas qosyp, Qazaqstan Respýblıkasynyń Memlekettik Ánuranyn oryndady, dep habarlaıdy Egemen.kz.

Baıan SÚLEIMENQYZY

Astanada 100-ge jýyq kommýnaldyq qyzmetker Ánurandy shyrqady

Elordanyń tazalyǵy men kórkeıýine kún saıyn úles qosyp júrgen kommýnaldyq qyzmetkerler bul bastama arqyly memlekettik rámizderge degen qurmetin bildirdi. Búginde kásiporynda 1500-den astam adam eńbek etedi.

Uıym ókilderiniń aıtýynsha, is-sharanyń basty maqsaty – patrıottyq rýhty nyǵaıtý, el birligin dáripteý jáne azamattyq jaýapkershilik qundylyqtaryn nasıhattaý.

«Taza sana – taza qala» qaǵıdatyn ustanǵan mekeme qyzmetkerleri qalanyń tazalyǵyn qamtamasyz etýmen qatar, qoǵamda otansúıgishtik qundylyqtardy dáripteýge de erekshe mán beredi.

Is-shara sońynda ujym otandastarymyzdy Memlekettik rámizder kúnimen quttyqtady.

Eske salaıyq, búgin – Memlekettik rámizder kúni. Bul kún elimizdiń táýelsizdigi men egemendigin aıqyndaıtyn erekshe mereke.