Belgili bolǵandaı, balalardyń máıiti kanaldyń ártúrli tusynan tabylǵan.
Jeti balanyń anasy Aıgúl Tamasheva qaýipti kanaldyń jaǵasyn qorshaýdy talap etti. Oqıǵa bolǵan kúni balalardyń ata-anasy jumysqa ketken, al baýyrlaryna úlken ápkesi qarap qalǵan.
Turǵyndardyń sózinshe, Oshaqty kanalynda mundaı qaıǵyly jaǵdaı alǵash ret bolyp otyrǵan joq. Buǵan deıin de balalar sýǵa ketip, adam shyǵyny tirkelgen. Aýyl turǵyndary kanaldyń qorshalmaǵanyn jáne eskertý belgileriniń joqtyǵyn jıi aıtyp keledi.
Keles aýdandyq ákimdigi kanal boıyna qorshaý ornatý jumystary buǵan deıin josparlanǵanyn jáne qazir onyń bastalǵanyn habarlady. Alaıda bul sharalar qos birdeı balasynan aıyrylǵan otbasy úshin kesh qolǵa alynǵan sheshim boldy.
Qaıǵyly oqıǵadan kóz jumǵan Iýsýfahmet ekinshi synypty, al Dıas altynshy synypty aıaqtaǵan edi. Eki aǵaıyndy 1 maýsym – Balalardy qorǵaý kúni jer qoınyna tapsyryldy.
Aıta keteıik, Aqmola oblysynda tyıym salynǵan aýmaqqa shomylýǵa barǵan on jastaǵy bala sýǵa batyp, kóz jumdy.
Qaraǵandydaǵy Fedorov sý qoımasynda Úndistannan kelgen eki stýdent sýǵa batyp ketti.
Qostanaıda 15 jastaǵy jasóspirim dostarymen bástesip, sýǵa batyp, qaıtys boldy.
