Prezıdent: Ulttyq nyshandarymyzdy qadirleý – otanshyldyq rýhtyń eń bıik ólshemi

1 mın

oqý úshin

Memleket basshysy Qasym-Jomart Toqaev Tý kóterý rásimindegi sóılegen sózinde naýryz aıynda el turǵyndary birtutas qoǵam bolyp jalpyulttyq referendýmǵa qatysqanyn, azamattardyń konstıtýsııalyq reformany qoldap, daýys bergenin eske saldy, dep habarlaıdy Egemen.kz Aqordanyń baspasóz qyzmetine silteme jasap.

Shyńǵys MUQAEV

Prezıdent: Ulttyq nyshandarymyzdy qadirleý – otanshyldyq rýhtyń eń bıik ólshemi

Foto: ashyq derekkóz

«Biz jańa Konstıtýsııamyzdy qabyldap, tól tarıhymyzdyń jańa paraǵyn ashtyq. Ata zańda halqymyzdyń san ǵasyrlyq arman-tilegi, maqsat-muraty kórinis tapty. Keń baıtaq jerimizdiń tutastyǵy, elimizdiń egemendigi, azamattardyń quqyqtary jáne bostandyqtary basty qundylyqtar dep jazyldy», dedi Prezıdent.

Búgin – Memlekettik rámizder kúni

Memleket basshysy atap ótkendeı, zań men tártipti saqtaý, bilim men ǵylymdy, jańa tehnologııalardy damytý, tazalyqty dáripteý, tabıǵatty qorǵaý, volonterlik qyzmetti qoldaý konstıtýsııalyq mindet retinde aıqyndaldy. Túbegeıli jańa sıpatqa ıe bolǵan Ata zańymyz Ádiletti Qazaqstannyń myzǵymas jarǵysyna aınaldy.

«Konstıtýsııada ár adam elimizdiń memlekettik rámizderin qurmetteýge tıis dep kórsetildi. Sebebi ulttyq nyshandarymyzdy qadirleý otanshyldyq rýhynyń eń bıik ólshemi ekeni sózsiz», dedi Qasym-Jomart Toqaev.

Eske salaıyq, búgin Prezıdent «Atameken» etnomemorıaldy kesheninde Memlekettik tý kóterý rásimine qatysty.