Foto: istockphoto.com
«Budan bólek, biz jańa Konstıtýsııada qazaq eliniń tól shejiresi Uly dalanyń myńdaǵan jyldyq tarıhymen sabaqtas ekenin aıqyn kórsettik.
Elordamyzda Uly dala órkenıetine arnalǵan záýlim ǵımarat salynady. Jaqynda Astanada IýNESKO-nyń aıasynda Altyn Orda murasyn zertteý isine arnalǵan halyqaralyq sımpozıým ótkizildi. Munyń bári memlekettigimizdiń tuǵyryn nyǵaıta túsýge zor yqpal etedi», dedi Memleket basshysy.
Memleket basshysy: Táýelsizdiktiń 35 jyldyǵyn naqty nátıjelermen qarsy alýymyz kerek
Prezıdenttiń aıtýynsha, Altyn Orda óziniń basqarý ınstıtýttary, dıplomatııalyq qyzmeti, baılanys jáne keden júıesi, álemde moıyndalǵan valıýtasy, ozyq ınnovasııalary bar orta ǵasyrdaǵy alyp el boldy.
«Qazir Qazaqstanda berik ornyqqan prezıdenttik basqarý úlgisi Altyn Orda kezinde qurylǵan saıası júıeden bastaý alady. Altyn Ordanyń eń basty murasy – onyń myzǵymas qundylyqtary. Sebebi alyp memlekette dini, tili, mádenıeti, dástúri bólek adamdar ortaq erejeler aıasynda tatý-tátti ómir súrdi. Babalarymyzdyń osyndaı taǵylymdy joly biz úshin óshpes ónege jáne basty strategııalyq baǵdar bolyp qala beredi.
Altyn Ordanyń jetistigi Eýrazııadaǵy kóptegen halyqtyń ortaq ıgiligi sanalady. Sondyqtan Ulyq Ulystyń murageri retinde biz Eýrazııanyń birtutastyǵyn, ósip-órkendegenin, ondaǵy memleketterdiń barlyǵy tatý-tátti ǵumyr keship, ortaq qaýipsizdikti saqtap, halyqtarynyń ıgiligi úshin qyzmet etkenin quptaımyz.
Bizdiń maqsatymyz – ózgelerdiń taptaýryn bolǵan tájirıbeleri men ıdeıalaryn úlgi-ónege etpeý, ónbeıtin daý-damaıdan boıdy aýlaq salý. Sonymen birge ótken uly dáýirdiń qundylyqtaryn oı eleginen ótkizip, sapaly túrde jańǵyrtyp, zamanaýı órkenıetke qaraı beıimdeý», dedi Memleket basshysy.
Qazaqstan tarıhynyń bir tomy túgeldeı Altyn Orda taqyrybyna arnaldy
Aıta keteıik, búgin Qasym-Jomart Toqaev elordadaǵy «Atameken» etnomemorıaldy kesheninde ótken Memlekettik tý kóterý rásimine qatysty. Memleket basshysy Taıaý arada Úkimet memlekettik rámizderdi oryndy paıdalaný máselesi boıynsha qaýlyǵa qajetti túzetýlerdi engizetinin atap ótti.
