Foto: Aqorda
«Qazir Qazaqstan jańa turpatty elge aınaldy. Biz birtutas ári jasampaz ult retinde damýdyń dańǵyl jolyna tústik. Keıingi jyldardy elimiz úshin tarıhı betburys kezeńi deýge tolyq negiz bar. Aýqymdy reformalar barlyq salaǵa tyń serpin berýde. Túbegeıli ózgerister, ásirese, qoǵamdyq sanaǵa zor silkinis ákeldi. Ishki saıasattyń mazmuny jańardy, baǵyt-baǵdary aıqyndala tústi.
El ishinde janashyrlyq, eńbekqorlyq, uqyptylyq, únemshildik qasıetteri ornyǵa bastady. Azamattarymyzdyń kózqarasy jáne ustanymy ózgerýde. Halqymyz Ádiletti, Mádenıetti, Taza jáne Qaýipsiz elde ómir súrýdi qalaıdy. Sondyqtan jurtymyz tártip buzýshylyqqa, zańsyzdyqqa tutas qoǵam bolyp tosqaýyl qoıýda. Alaıda, aldymyzda turǵan jumys – óte aýqymdy. Bul jumysty bárimiz bir el, birtutas halyq bolyp mindetti túrde oıdaǵydaı oryndaımyz», dedi Prezıdent.
Qasym-Jomart Toqaev: Bul ár jetistikke máz bolyp, jaıbaraqat otyratyn zaman emes
Qasym-Jomart Toqaev naǵyz sarbazdyń abyroı-bedeli, eń aldymen, Otan aldyndaǵy minsiz qyzmetine qaraı ólshenetinin atap ótti.
«Men byltyr áskerı oqý oryndarynyń úzdik túlekterin qoldaý jóninde bastama kóterdim. Olarǵa qalyptasqan dástúrge saı «leıtenant» emes, «aǵa leıtenant» shenin tapsyrý qajet ekenin aıttym. Soǵan sáıkes naqty tapsyrma berdim. Mine, búgin osy bastama naqty júzege asyrylmaq. Sizder oqýdy bitirip, birden «aǵa leıtenant» shenin alatyn tuńǵysh túlek bolasyzdar. Bul – ózderińizge artylǵan zor senim jáne úlken jaýapkershilik.
Qazaqtyń birtýar batyry Saǵadat Nurmaǵambetovtiń «ataqty alǵannan ony arqalap júrý qıyn» degen sózi bar. Shyn máninde, naǵyz sarbazdyń abyroı-bedeli onyń shenimen emes, eń aldymen, Otan aldyndaǵy minsiz qyzmetine qaraı ólshenedi. Kóptegen jastarymyz sizderge qarap boı túzeıdi, úlgi alady. Bárińiz de antqa adal bolyp, qazaq sardary degen ataqqa árdaıym laıyq bolasyzdar dep senemin.
Búgin alqaly jıynǵa ozat túlekterdiń ata-analary da qatysyp otyr. Sizder Qazaqstannyń dál osyndaı otanshyl azamattaryna tálim-tárbıe berdińizder. Barshańyzǵa shynaıy rızashylyǵymdy bildiremin. Jas ofıserlerdiń alǵashqy áskerı sheni qutty bolsyn! Qyzmetterińizge tabys tileımin! Týymyz árdaıym kókte jelbiresin! Qazaq eli máńgi bolsyn!», dedi Memleket basshysy.Memleket basshysy: Táýelsizdiktiń 35 jyldyǵyn naqty nátıjelermen qarsy alýymyz kerek
Is-shara aıasynda S. Nurmaǵambetov atyndaǵy Qurlyq áskerleri áskerı ınstıtýty, Ulttyq qaýipsizdik komıteti akademııasy, Ulttyq qaýipsizdik komıteti Shekara akademııasy, Ishki ister mınıstrliginiń B. Beısenov atyndaǵy Qaraǵandy akademııasy, Ulttyq ulan akademııasy, M. Ǵabdýllın atyndaǵy Azamattyq qorǵaý akademııasynyń úzdik túlekterine «aǵa leıtenant» sheni tapsyryldy.
