Foto: Ashyq derekkóz
Stepnogorsk ákimdigi qalany qysqy jáne jazǵy kútip-ustaý jumystaryn josparlaý kezinde bıýdjet zańnamasynyń talaptaryn buzǵan.
«Atap aıtqanda, zańbuzýshylyqtar smetalyq qunnyń negizsiz joǵary kórsetilýine, artyq ári ekonomıkalyq turǵydan negizdelmegen jumys kólemderiniń engizilýine, sondaı-aq zańnamaǵa sáıkes kelmeıtin jáne básekelestik ortany shekteıtin talaptardyń qoıylýyna baılanysty boldy», dep habarlady Aqmola oblysynyń prokýratýrasy.
Osyǵan baılanysty prokýratýra jalpy somasy 1,1 mıllıard teńgeni quraıtyn 9 memlekettik satyp alý konkýrsynyń kúshin joıdy.
Elimizde jol qurylysyna bólingen bıýdjet talan-tarajǵa túsken
«Smetalyq qun tómendetilip, bıýdjetten negizsiz jumsalýy múmkin bolǵan 386 mıllıon teńge kólemindegi shyǵyndar alynyp tastaldy. Sonyń nátıjesinde memlekettik qarajat únemdeldi. Jol berilgen zańbuzýshylyqtar úshin qala ákiminiń orynbasary men memlekettik aktıvter bóliminiń basshysy tártiptik jaýapkershilikke tartyldy», delingen habarlamada.
Vedomstvo óńirdegi bıýdjet qarajatynyń maqsatty ári tıimdi paıdalanylýy prokýratýra organdarynyń turaqty baqylaýynda ekenin atap ótti.
Aýyl klýbynyń basshysy 10 jyl boıy bıýdjet qarjysyn jymqyrǵan
