Foto: Depositphotos.com
Pedagogter áleýmettik jelilerde shaǵym qaldyrǵan. Sondaı-aq olar synyptarǵa qajetti materıaldardy óz qarajattaryna satyp alatynyn, al mektep shtatynda is júzinde jumys istemeıtin muǵalim tirkelgenin aıtqan. Olardyń sózinshe, kezekshi qyzmetkerlerdi tańǵy saǵat 7:00-de jumysqa kelýge jáne keshki 18:30-dan erte ketpeýge májbúrlegen.
Ákimdik aýdandyq bilim bólimi tekserý júrgizgenin málimdedi.
«Pedagogterdi olardyń kásibı qyzmetine qatysy joq jumystarǵa tartý, sondaı-aq jóndeý jumystaryn májbúrlep oryndatý faktileri rastalmady. Beınede kórsetilgen jumystar 26-29 mamyr aralyǵynda aýyl turǵynynyń kórsetken demeýshilik kómegi aıasynda júrgizilgen. Mekteptiń sport zalynda radıatorlarǵa qorǵanysh torlar ornatyldy. Bul jumystarǵa dánekerleýshiler tartylǵan», delingen habarlamada.
Ákimdik eńbek tártibiniń buzylýy jáne shtattaǵy «óli jandardyń» bolýy týraly málimetterdiń de rastalmaǵanyn habarlady.
Mektep muǵalimderi endi óz oqýshylaryna aqyly sabaq óte almaıdy
Qazir mektepte 166 pedagog jumys isteıdi. Olardyń 133-i 1 maýsymnan bastap jyl saıynǵy aqyly eńbek demalysyna shyqqan, al qalǵan 33 pedagog 1 shildeden bastap demalysqa shyǵady.
Memlekettik organ jaǵdaıdy jan-jaqty ári obektıvti zertteý úshin muǵalimder arasynda anonımdi saýalnama júrgizgenin atap ótti. Saýalnama nátıjesinde eńbek zańnamasynyń jáne qyzmetkerler quqyqtarynyń buzylý faktileri anyqtalmaǵan.
Endi muǵalim oqýshyǵa tek sabaq kezinde jaýapty: Májilis jańa zańdy maquldady
