Foto: Ashyq derekkóz
Tergeý derekterine sáıkes, erli-zaıyptylar birneshe jyl boıy qamqorlyqqa alǵan balalardy aýyr jumysqa jegip, mal baqtyrǵan. Asyrap alynǵan balalardyń bolmashy qateligi úshin uryp-soqqan. Olarǵa kóń aralasqan nan jegizilip, ıttiń úıshiginde uıyqtaýǵa májbúrlengen.
Dárigerlerdiń qorytyndysy boıynsha, balalardyń biriniń denesinen 19 tyrtyq, al ekinshisinen 47 tyrtyq anyqtalǵan. Jábirlenýshilerdiń biri buǵan deıin sotta ózin kilemge orap, ústinen sekirgenderin, sonyń saldarynan esinen tanyp qalǵanyn aıtqan. Osy oqıǵadan keıin balaǵa basynan birneshe operasııa jasaýǵa týra kelgen, keıin oǵan múgedektik berilgen.
«Sarapshylardyń qorytyndysyna sáıkes, kámeletke tolmaǵan bala buǵan deıin qandaı da bir psıhologııalyq aýrýǵa shaldyqpaǵan. Al osy oqıǵalardan soń balada psıhıkalyq buzylys baıqalǵan», dedi prokýror sot otyrysynda.
Sot sheshimimen er adam 12 jylǵa, jubaıy 10 jylǵa, al qyzy 4 jyl 8 aıǵa bas bostandyǵynan aıyryldy. Úsheýi de sot zalynda qamaýǵa alyndy. Sonymen qatar sot árbir jábirlenýshige 10 mıllıon teńgeden moraldyq ótemaqy taǵaıyndady.
Qaraǵandylyq otbasy ózderi asyrap alǵan balalardy azaptap kelgen
Alaıda sot úkimi ázirge zańdy kúshine engen joq. Aıyptalýshylardyń qorǵaýshylary apellıasııalyq shaǵym túsiretinderin málimdedi.
Eske sala keteıik, buǵan deıin Aqmola oblysynda asyrap alǵan múgedek balasyn uryp-soǵyp, qatygezdikpen qorlap kelgen áıelge sot úkimi shyqqan edi.
