Eske salsaq, qaıǵyly oqıǵa 11 qańtarda bolǵan. Beınebaqylaý kameralary kúdiktiniń Nuraıdy ańdyp, keıin pyshaq jaraqatyn salǵanyn tirkegen. 13 qańtarda 28 jastaǵy kúdikti qaladan shamamen 10 shaqyrym jerde ustaldy.
Marqumnyń týystarynyń aıtýynsha, oqıǵaǵa deıin qyz birneshe aı boıy qýdalaýǵa ushyraǵan. Sondaı-aq oǵan qatysty qyz alyp qashý áreketi bolǵany aıtyldy. Otbasy polısııaǵa birneshe ret júgingenimen, aryzdarynyń tirkelmegenin málimdegen.
Oqıǵadan keıin Memleket basshysy Qasym-Jomart Toqaev quqyq qorǵaý organdarynyń áreketine baǵa berýdi tapsyrdy. Keıin Shymkent qalalyq polısııa departamentiniń basshysy qyzmetinen bosatylyp, aryzdy tirkemegen qyzmetkerlerge qatysty salǵyrttyq faktisi boıynsha qylmystyq is qozǵaldy.
Sáýir aıynda kúdikti Almaty oblysyndaǵy Aqtas aýylyndaǵy mamandandyrylǵan psıhıatrııalyq aýrýhanaǵa aýystyryldy. Oǵan qatysty birqatar saraptama taǵaıyndalyp, medısınalyq baqylaý júrgizilgen.
Marqumnyń týystary kúdiktiniń psıhıkalyq dertti syltaý etip, jaýapkershilikten jaltarýy múmkin ekenine alańdaýshylyq bildirgen bolatyn. Tergeý aıaqtalǵannan keıin istiń mán-jaıyna sotta quqyqtyq baǵa beriledi.
