Oralda qyrkúıekten beri 560 mıllıon teńgeniń múlki jarııalandy

ORAL. 14 mamyr. Batys Qazaqstan oblysynyń – ortalyǵy Oral qalasynda ótken jyldyń 1 qyrkúıeginen beri 560 mıllıon teńgeniń múlki jarııalandy. Bul týraly Oral qalasy aýmaǵynda múlikti jarııa etý jónindegi arnaıy komıssııanyń málimetine súıenip, egemen.kz tilshisi habarlady. Memleket basshysy 2014 jyldyń maýsymynda «Qazaqstan respýblıkasynyń azamattaryna, oralmandarǵa jáne Qazaqstan respýblıkasynda turýǵa yhtııar haty bar tulǵalarǵa olardyń múlikti jarııa etýine baılanysty rahymshylyq jasaý týraly» Zańǵa qol qoıǵany belgili. Osy zańdy júzege asyrý jáne oryndaýǵa baılanysty ótken jyldyń 1 qyrkúıeginen bastap elimizde jarııa etý isi bastaldy. Bul naýqan 2015 jyldyń 31 jeltoqsanyna deıin jalǵasady. Osyǵan oraı Oral qalasy aýmaǵynda da múlikti jarııa etý jóninde arnaıy komıssııa quryldy. Olardyń taratqan málimetine súıensek, qazirgi kúnge deıin komıssııa qyzmetine 1 171 adam júgingen. Sonyń ishinde Oral qalasy boıynsha kúni búginge deıin 560 mıllıon teńgeniń múlki jarııalanǵan. Múlikti jarııa etý boıynsha túsken ótinishterdi arnaıy komıssııa 1 aı merzim ishinde qarap, sheshim shyǵarady. Temir Qusaıyn. Derek: egemen.kz. Sýret: gazeta.kz.