Mıhaıl Gorbachev alkogolge qarsy kúresti basty qateligi sanady

ALMATY. 15 mamyr. Keńes Odaǵynyń birinshi jáne sońǵy prezıdenti Mıhaıl Gorbachev 1980 jyldary ózi el basqaryp turǵandaǵy taǵy bir qateligin moıyndady. Ol – alkogolge qarsy kúres eken. Bul týraly kp.ru habarlady. Mıhaıl Gorbachev jergilikti basylymǵa bergen bir suqbatynda: «Keńes Odaǵy kezindegi men júrgizgen saıasattyń bir ushqyny, ıaǵnı naýqannyń sol kezdegi ádisi durys bolmady. Máskeý dúkenderi aldynda adamdar ushy-qıyry joq kezekke turdy, jasyryn túrde samogon jasaý kóbeıdi. Sodan da bolar dúkenderde qant taýsyldy» – dedi. Sondaı-aq, eks-basshy sol tusta qoǵamdy báribir saýyqtyrý kerek bolatyn jetkizdi. Alaıda, Mıhaıl Gorbachev halyqqa baıaýlatyp, alkogolge qarsy kúres naýqanyn uzaq merzimdik josparmen júrgizý áldeqaıda tıimdi bolatynyn endi túsinip otyr. Aıta keteıik, Gorbachev bastaǵan naýqannyń KSRO bıýdjetine nuqsan keltirgeni tarıhtan belgili. Ekonomıkalyq daǵdarystan shoshynǵan keńestik basshylar sodan da bolar, maskúnemdikke qarsy kúrestiń zalalyn baıqamaǵan syńaımen bastaǵan isti aıaqsyz qaldyrdy. Talǵat Súıinbaı. Derek, sýret: kp.ru.