Foto: Coca-Cola
Coca-Cola Belesteri áleýmettik jobasy 14 maýsymnan bastalǵanyn jarııalady. О́tinimderdi qabyldaý 2026 jylǵy 15 maýsym men 28 jeltoqsan aralyǵynda júrgiziledi.
Maýsymnyń basty jańalyǵy − Bıznes-ıdeıalar baıqaýy bastalady. Bul baıqaýda áıelder men 30 jasqa deıingi jastar arasynan iriktelgen 10 jeńimpaz ózderiniń alǵashqy bıznesin ashýǵa nemese damytýǵa 1 mıllıon teńge kólemindegi grantqa ıe bolady. Kóptegen qatysýshylar úshin bul kásipkerlik jolyndaǵy alǵashqy qarjylyq qoldaý bolmaq.
CCB bilim berý bastamasy sıfrlyq ınnovasııalyq platformasyna negizdeledi, ol kásipkerlik negizderin onlaın oqytýdan bastap, grant alý múmkindigi bar úzdik bıznes-ıdeıalar baıqaýyna qatysýǵa deıingi «ósý baspaldaqtary» júıesin usynady. Joba ótken jyldary oqýdan ótken qatysýshylarǵa bıznes-akselerasııa baǵdarlamalary men aqparattyq materıaldar arqyly qoldaý kórsetedi. Sonymen qatar, joba saıtynyń marketpleısi Qazaqstan óńirlerinen jergilikti seriktester tabýǵa múmkindik beredi.
«14 jyldyq tájirıbe kórsetkendeı, senimdi seriktestiń qoldaýy bolǵan jaǵdaıda, bilim naqty jumys isteıtin bızneske aınalady. 2026 jylǵy maýsymda tehnologııalar men naqty qoldaýǵa basymdyq beriledi. Jasandy ıntellekt boıynsha kýrs pen 1 mıllıon teńgelik grant senimdi bastaý men ósý quraldaryna aınalmaq», dep atap ótti joba uıymdastyrýshysy, «Áleýmettik dınamıka» qoǵamdyq qorynyń dırektory Elena Ojgo.
2025 jyly jobanyń bilim qory qazaq jáne orys tilderindegi jańa beınesabaqtar serııasymen keńeıtildi. CCB bilim berý ekojúıesi tájirıbelik qoldaný men qoljetimdilik qaǵıdattaryna negizdelgen. Kontent ózektiligin saqtaý maqsatynda joba oqý materıaldaryn turaqty túrde jańartyp otyratyn jetekshi salalyq sarapshylardy tartady.
2026 jylǵy bilim berý maýsymynyń jańalyǵy: barlyq qatysýshylarǵa shekteýsiz túrde «Shaǵyn bızneske arnalǵan jasandy ıntellekt» kýrsy qoljetimdi bolady. Tájirıbe barysynda neırojelilerdi marketıngte, kontent jasaýda, satylymda jáne kúndelikti jumysty avtomattandyrýda qalaı qoldaný kerektigi qarastyrylady.
1 mıllıon teńgelik grantty qalaı alýǵa bolady?
- Áıelderge arnalǵan Business Qumyz baǵdarlamasynyń nemese 30 jasqa deıingi jastarǵa arnalǵan Business Orken baǵdarlamasynyń oqý kýrsynan ótý qajet.
- Baǵdarlama sońynda qorytyndy sertıfıkat alý kerek.
- 28 jeltoqsanǵa deıin bıznes-ıdeıańyzdy baıqaýǵa ótkizý qajet. Eń úzdik 10 jobany sarapshylar irikteıdi.
«Koka-Kola Qazaqstan Belesteri jobasyn qoldaıdy, sebebi áıelder men jastar kásipkerliginiń kúshine senedi. Bul − eldiń turaqty damýyna salynǵan ınvestısııalar. Biz jyl saıyn kóptegen qatysýshynyń bilim alyp qana qoımaı, óz ıdeıalaryn júzege asyrýǵa arnalǵan bastapqy kapıtalǵa ıe bolatynyna qýanyshtymyz», dep atap ótti Coca-Cola kompanııasynyń Ortalyq Azııa jáne Kavkaz óńirindegi úkimetpen baılanys, kommýnıkasııalar jáne ornyqty damý jónindegi aǵa dırektory Aleksandra Akkırman.
О́tinishti myna saıt arqyly berýge bolady.
О́tinimder 2026 jylǵy 15 maýsym men 28 jeltoqsan aralyǵynda qabyldanady.
Coca-Cola Belesteri − Qazaqstandaǵy halyqtyń ekonomıkalyq múmkindikterin arttyrýǵa baǵyttalǵan eń tanymal ári turaqty áleýmettik joba. Ol tegin oqytý jáne grant alý múmkindigin usynyp, shaǵyn bıznesti damytýǵa ári ekonomıkalyq belsendilikti arttyrýǵa kómektesedi. Bul óńirlerdegi kedeılikti azaıtyp, adamdarǵa óz kúshine senýine múmkindik beredi.
2012 jyldan beri «Koka-Kola Qazaqstan» JShS qoldaýymen «Áleýmettik dınamıka» qoǵamdyq qory áıelder men jastar arasynda kásipkerlikti damytýǵa arnalǵan ekojúıeni qalyptastyrdy. 2012-2025 jyldar aralyǵynda joba aıasynda kásipkerlik negizderine 157 myńnan astam áıel oqytyldy, 178 grant berildi, sondaı-aq joba qatysýshylary 13 300-den astam jumys ornyn ashty.
Baǵdarlamanyń tıimdiligi qatysýshylar ómirindegi sapalyq ózgeristermen rastalady. Saýalnama nátıjesine sáıkes, túlekterdiń 13%-y bıznesti jańadan ashqan, al 15%-y qoldanystaǵy kásipterin keńeıtip, alǵan bilim men qoldaýdyń arqasynda tabysyn arttyrǵan.
2025 jyly kásipkerlik bastamalar kóbeıdi. Joba tarıhyndaǵy Bıznes-ıdeıalar baıqaýyna túsken barlyq ótinimderdiń ishinde 21%-dan astamy dál osy kezeńde berilgen. Bul ár 5 bıznes-ıdeıanyń bireýi dál 2025 jyly qatysýshylar tarapynan usynylǵanyn bildiredi.
