Qazaqstandyq ushaq samǵaýy

О́tken senbide Almatynyń irgesindegi Baıserke áýejaıynda Qazaqstan halqy Assambleıasynyń 20 jyldyǵyna oraılastyrylyp otandyq «Araı Agro» ushaǵynyń tusaýkeser rásimi ótkizildi. Bul jergilikti «AvıaMaster Eırkraft» zaýytynda kanadalyq tehnologııa boıynsha jasalǵan besinshi ushaq. Birinshi «Araı Agro» ushaǵynyń tusaýkeseri ótken jyldyń kókteminde ótip, birden-aq fermerler kó­zaı­y­myna aınalyp, avıasııa sala­sy sarapshylarynyń da kókeıi­nen shyqqan bolatyn. Al endi Qazaqstan halqy Assam­bleıa­synyń mereıtoıy qarsańynda uıymdastyrylǵan kezekti kór­setilim de alǵashqysynan olqy soqqan joq. Baıserke áýejaıynyń jazǵy alańyna eldiń ár óńirinen kelgen aýylsharýashylyq taýarlaryn óndirýshiler, etnomádenı ortalyqtar ókilderi, sheteldik meımandar jınaldy. Olar kishkentaı ǵana jeńil motorly ushaqtyń sharyqtaı samǵap, nebir keremet ushý úlgilerin kórsetken jarqyn avıadýmannyń kýágerleri boldy. Tórt oryndy «Araı Ag­ro» júk tasymaldaýdan bas­tap memlekettik shekaranyń avıa­sııalyq kúzetine deıingi kóptegen mindetterdi atqara alady. Ushaq shalǵaı ári qıyn asýly jerlerden naýqastardy kóshirýge, órt sóndirýge, brakonerlermen kúres júrgizýge óte-móte yńǵaıly. Alaıda, onyń basty mıssııasy fermerlerge egistikke kútim jasaý oraıynda kómektesý, egistik alqaptaryn hımııalyq óńdeýden ótkizý bolyp tabylady. Sondyqtan, bul ushaqty áýe «traktory» dep te ataıdy. Ol ońaı basqarylady. Quny 200 myń dollar shamasynda. Ushý qashyqtyǵy – 1200 shaqyrym. AI-95 markaly avtomobıl ben­zınin quıady. «Araı Agro» tu­raqjaıda saqtaýdy jáne arnaıy ushý-qoný alańdaryn talap etpeıdi, tikeleı egistikke, kógaldy alańqaıǵa, qara jolǵa qona beredi. Tusaýkeser barysynda Al­maty oblysy QHA tóraǵasynyń orynbasary – hatshylyq meń­gerýshisi Ǵabıt Tursynbaı jı­nalǵandardy Qazaqstan halqy Assambleıasy jylymen quttyq­taı kele, qoǵamdaǵy birlik pen turaqtylyqtyń arqasynda otandyq ekonomıkanyń júıeli damyp, sonyń ishinde kishi avıasııa salasynda da jańa óndiristerdiń paıda bolyp jatqandyǵyn atap ótti. Sońǵy jıyrma jylda Assambleıa jalpyhalyqtyq ıns­tıtýtqa, tatýlyq pen dostyqtyń berik irgetasyna aınalyp, elimizdiń etnostyq jáne mádenı ár alýandyǵy onyń damýyna da úlken serpin berýde. QHA múshesi, «Ognı Alataý» gazetiniń bas redaktory Atsalım Idıgovtyń aıtýynsha, jahandyq básekelestik ósip otyrǵan qazirgi jaǵdaıda rynokty otandyq mazmunmen baıytý, «Qazaqstanda jasalǵan» belgisimen ónimderdi kóptep shyǵarý asa mańyzdy. Mysaly, «Araı Agro» ushaqtarynyń tek ózimizde ǵana emes, sonymen birge, búkil TMD elderi boıynsha da balamasy joq. Sondyqtan, olar eldiń tanymal ulttyq brendteriniń tizbesine kiretindigine senim mol. Jańa tehnıkanyń ótken jylǵy ónerkásiptik paıdalanylý tájirıbesi onyń joǵary ónimdiligin kórsetti. Agronomdardyń baǵalaýynsha, bul ushaqtar egistikti aramshópter men zııan­kesterden az shyǵyn jumsaı otyryp kóp márte qorǵaýdy qamtamasyz etedi. Egis tanaptaryn óńdeýdiń ózindik quny 1 gektarǵa shaqqanda 120 teńgeni quraıdy. «AvıaMaster Eırkraft» JShS dırektory Dáýren Ýálıev atap ótkendeı, Almaty oblysynyń aýyl sharýashylyǵynda avıasııalyq tehnologııany keńinen engizýdiń biregeı múmkindikteri bar. Bul óz kezeginde kókónistiń, kúrishtiń, qant qyzylshasynyń, júgeriniń, burshaq pen kúnbaǵystyń shyǵymdylyǵyn 25-40 paıyz arttyrýǵa jol ashpaq. – Búkil álemde avıatehnıkanyń sharýashylyq maqsatta qoldanylý aýqymy ekonomıkany damytý men halyq ómiriniń sapasyn arttyrýdyń ózekti kórsetkishteriniń birinen sanalady, – dedi D.Ýálıev. – Áýe kemeleriniń sany jaǵynan alǵanda alǵashqy bestikte AQSh, Kanada, Ulybrıtanııa, Japonııa men Germanııanyń bolýy tegin emes. Biz aldymyzǵa álemdegi asa damyǵan 30 memlekettiń qataryna qosylý maqsatyn qoıyp otyrmyz. Al bul úshin avıasııalyq tehnologııany damyta túsýimiz óte mańyzdy. Zaýyt óniminiń bir-birlep, jeke tapsyrys boıynsha daıyndalatynyn aıta ketý lázim. О́tken jyly shyǵarylǵan alǵashqy úsh ushaq Qostanaı oblysynyń egis alqaptarynda, taǵy biri Máskeý mańynda ushyp júr. Al kózaıym samǵaýyn biz baqylaǵan besinshi ushý apparatyn Aqmola oblysyndaǵy «Izbasarov jáne K» JShS fermerlik kásiporny satyp aldy. Kompanııanyń óndiristik turaqjaıynda taǵy eki «Araı Agro» qurastyrylyp bitýge jaqyn. Kásiporyn aldaǵy ýaqytta qýattylyqty arttyryp, taıaý shetelderde dılerlik ortalyqtar ashýdy kózdep otyr. Qorǵanbek AMANJOL, «Egemen Qazaqstan». ALMATY.