Taldyqorǵanda 16 qabatty qonaqúı salynady

Taldyqorǵanda álemdik standartqa saı keletin 16 qabatty qonaqúı kesheniniń alǵashqy qazyǵyn Almaty oblysynyń ákimi Amandyq Batalov qaqty. Bul nysannyń bir artyqshylyǵy «Falcon-petroleum» kompanııasy memlekettiń eshqandaı qatynasynsyz qurylys jumysyn júrgizedi. Nebári 8 aıda barlyq jumysyn aıaqtap, bes juldyzdy ǵalamat qonaqúıdi paıdalanýǵa beredi. Osy maǵlumatty kompanııa ókili málim ete turyp, tájirıbeli qurylysshylarǵa tán kásibı tilmen eldiń aldynda oblys ákimine ýáde úde­sinen shyǵatyndyǵyn aı­typ sendirdi. Eki gektar jer­de ornalasatyn qonaqúı ke­sheninde 14 joǵary sapaly (lıýks), 54 standartty bó­l­meler qarastyrylǵan. Sony­men qatar, meıramhana, sal­tanat jáne májilis zaldary, kórkemdik pen sán sa­lon­dary, onyń syrtynda 16-qa­batta Jetisýdyń kindik qa­la­sy alaqandaǵydaı bolyp kóri­netin demalys orny da bolady. Tutastaı alǵanda, Tal­dy­qorǵannyń ońtústik-batys shaǵyn aýdanynda taıaý ýaqytta 121 kópqabatty úıler, oqý­shylar saraıy, drama teatry, neke qııý zaly sekildi bir­qa­tar áleýmettik nysandar boı kóteretin bolady. Nurbol ÁLDIBAEV, «Egemen Qazaqstan». TALDYQORǴAN.