Jańaqorǵan aýdanynda zamanaýı úlgidegi dene shynyqtyrý-saýyqtyrý kesheniniń ashylý saltanaty ótti. Keshenniń ashylý rásimine oblystyq máslıhat hatshysy Aqmaral Álnazarova, oblys ákiminiń orynbasary Raýan Kenjehanuly, oblystyq dene shynyqtyrý jáne sport basqarmasynyń Sadyq Mustafaev jáne aýdan ákimi Rýslan Rústemov qatysty. «Elbasynyń sarabdal saıasatynyń nátıjesinde elimizde osyndaı áleýmettik nysandar kóptep boı kóterýde.
Sonyń biri búgin paıdalanýǵa berilip otyrǵan sporttyq saýyqtyrý kesheni. О́skeleń urpaqtyń deni saý, zaman talabyna saı qabiletti bolyp ósýine memleket tarapynan barlyq múmkindikter jasalýda. Endigi kezekte Jańaqorǵannyń jas jetkinshekteri osy keshende jattyǵyp, el abyroıyn asqaqtady degen senimdemiz», – dedi oblystyq máslıhat hatshysy A.Álnazarova. Sporttyq saýyqtyrý kesheninde sporttyń voleıbol, basketbol, boks túrinen túrli deńgeıdegi jarystar uıymdastyrylady. Sondaı-aq zamanaýı sporttyq jabdyqtarmen qamtamasyz etilgen jattyǵý zaly da bar. Osy kúni dál osyndaı sport kesheni Qazaly aýdany Áıteke bı kentinde de paıdalanýǵa berildi.
Erjan Baıtiles. Derek, sýret: egemen.kz.
