“JASYL EL” BAǴDARLAMASY ShEŃBERINDE JASTAR AÝYLDARDY KО́RIKTENDIRÝ JUMYSTARYNA BAR YNTAMEN KIRISTI

Ormandardy órtterden, zańsyz aǵash kesýden jáne orman zańnamasynyń bas­qa da buzýshylyqtarynan kúzetý tıim­diligin arttyrý, olardy zııankester men aýrýlardan qorǵaý, molyqtyrý jáne eldi mekenderdi kógaldandyrý men kórkeıtý jónindegi is-sharalardy júzege asyrý – “Jasyl el” baǵdarlamasynyń basty maqsaty.Bıylǵy jyly atalmysh baǵdarlama sheńberinde Aqjol aýyldyq aımaǵynda barlyǵy 6 stýdent jumys isteıdi. Olar­dyń quramynda jazǵy demalysqa kelgen jastar men stýdentter, Aqjol mektebiniń oqýshysy bar. Aldaǵy ýaqytta jasyl jelekterdi sýaryp, saıabaqtyń ishi men aýyldyń ishin kóń-qoqystan tazartyp, aǵashtardyń túpterin ákteý jospar­la­nýda. Al, Qalqaman jáne Pogranıchnık aýyldarynda jazǵy eńbek naýqanyna 9 eńbek sarbazdarynan 18 stýdent ju­myldyrylǵan. Abattandyrý jáne kógal­dandyrý jumystaryn qolǵa alǵan stý­dentter men jumyssyz jastar qatarynan jasaqtalǵan otrıadtar deneshynyqtyrý jáne saýyqtyrý kesheni men mádenıet úıiniń aınalasynda, “Dańq” eskertkishi men kóshelerde tazalyq jumystaryn júrgizýdi qolǵa alǵan. О́ńirimizdiń gúldenýine úles qosyp, Elbasy Joldaýyn júzege asyrý jo­lyn­da adal eńbek etýdi maqsat etken stý­dentter men jastar óz mindetterine bilek sybana kiristi. Aqbota SEISENBAEVA. Pavlodar oblysy,  Aqsý qalasy.