Qazaqstan Respýblıkasy Úkimetiniń qaýlysy  №76

2015 jylǵy 19 aqpan, Astana, Úkimet Úıi «Qazaqstan Respýblıkasynyń Dańq Kitaby týraly» Qazaqstan  Respýblıkasy Úkimetiniń 2010 jylǵy 8 maýsymdaǵy № 538 qaýlysyna ózgerister engizý týraly Qazaqstan Respýblıkasynyń Úkimeti qaýly etedi: 1. «Qazaqstan Respýblıkasynyń Dańq Kitaby týraly» Qazaqstan Respýblıkasy Úkimetiniń 2010 jylǵy 8 maýsymdaǵy № 538 qaýlysyna (Qazaqstan Respýblıkasynyń PÚAJ-y, 2010 j., № 37, 318-qujat) mynadaı ózgerister engizilsin: 3 jáne 4-tarmaqtar mynadaı redaksııada jazylsyn: «3. Qazaqstan Respýblıkasy Mádenıet jáne sport mınıstrligi Dańq Kitabyn qajettiligine qaraı keıinnen daıyndaýdy jáne ony Qazaqstan Respýblıkasy Mádenıet jáne sport mınıstrliginiń «Qazaqstan Respýblıkasynyń Ulttyq murajaıy» respýblıkalyq memlekettik qazynalyq kásipornyna berýdi qamtamasyz etsin. 4. Qazaqstan Respýblıkasy Mádenıet jáne sport mınıstrliginiń «Qazaqstan Respýblıkasynyń Ulttyq murajaıy» respýblıkalyq memlekettik qazynalyq kásiporny Dańq Kitabyn júrgizýge jáne saqtaýǵa jaýapty bolyp belgilensin.»; kórsetilgen qaýlymen bekitilgen Qazaqstan Respýblıkasynyń Dańq Kitabyn júrgizý jáne saqtaý erejesi osy qaýlyǵa qosymshaǵa sáıkes jańa redaksııada jazylsyn. 2. Osy qaýly alǵashqy resmı jarııalanǵan kúninen bastap qoldanysqa engiziledi. Qazaqstan Respýblıkasynyń Premer-Mınıstri K.MÁSIMOV. Qazaqstan Respýblıkasy Úkimetiniń 2015 jylǵy 19 aqpandaǵy №76 qaýlysyna qosymsha Qazaqstan Respýblıkasy Úkimetiniń 2010 jylǵy 3 maýsymdaǵy № 538 qaýlysymen bekitilgen Qazaqstan Respýblıkasynyń Dańq Kitabyn júrgizý jáne saqtaý erejesi 1. Jalpy erejeler 1. Osy Qazaqstan Respýblıkasynyń Dańq Kitabyn júrgizý jáne saqtaý erejesi (budan ári – Ereje) «Qazaqstan Respýblıkasynyń memlekettik nagradalary týraly» 1995 jylǵy 12 jeltoqsandaǵy Qazaqstan Respýblıkasy Zańynyń 34-babyna sáıkes ázirlendi jáne Qazaqstan Respýblıkasynyń Dańq Kitabyn (budan ári – Dańq Kitaby) júrgizý jáne saqtaý tártibin belgileıdi. 2. Dańq Kitabyn júrgizýdi jáne saqtaýdy Qazaqstan Respýblıkasy Mádenıet jáne sport mınıstrliginiń «Qazaqstan Respýblıkasynyń Ulttyq murajaıy» respýblıkalyq memlekettik qazynalyq kásiporny (budan ári – Qazaqstan Respýblıkasynyń Ulttyq murajaıy) júzege asyrady. 3. Dańq Kitabynyń júrgizilýi men saqtalýyn baqylaýdy Qazaqstan Respýblıkasy Mádenıet jáne sport mınıstrligi júzege asyrady. 2. Qazaqstan Respýblıkasynyń Dańq Kitabyn júrgizý jáne saqtaý tártibi 4. Dańq Kitabyn júrgizý eń joǵary dárejeli erekshelik belgisine, «Otan» ordenine ne «Qazaqstan Respýblıkasynyń Túńǵysh Prezıdenti – Elbasy Nursultan Nazarbaev» ordenine ıe bolǵan adamdardy marapattaý týraly jazbalardy Dańq kitabyna engizýdi qamtıdy. Jazba memlekettik tilde júrgiziledi. 5. Joǵary dárejeli erekshelik belgilerine, «Otan» ordenine nemese «Qazaqstan Respýblıkasynyń Túńǵysh Prezıdenti – Elbasy Nursultan Nazarbaev» ordenine ıe bolǵan adamdar týraly aqparatty (budan ári – aqparat) Qazaqstan Respýblıkasy Prezıdentiniń О́kimshiligi (kelisim boıynsha) joǵaryda kórsetilgen memlekettik nagradalardy berý týraly Qazaqstan Respýblıkasy Prezıdentiniń Jarlyǵy qabyldanǵannan keıin 30 jumys kúni ishinde Qazaqstan Respýblıkasy Mádenıet jáne sport mınıstrligine jiberedi. 6. Qazaqstan Respýblıkasy Mádenıet jáne sport mınıstrligi aǵymdaǵy jyly alynǵan aqparatty kelesi jyldyń 1 naýryzyna deıin Qazaqstan Respýblıkasynyń Ulttyq murajaıyna jiberedi. 7. Qazaqstan Respýblıkasynyń Ulttyq murajaıy kelesi jyldyń 1 mamyryna deıin Dańq Kitabyna osy Erejeniń 5-tarmaǵynda kózdelgen aqparatty qamtıtyn marapattalǵan tulǵalar týraly jazba engizedi. Dańq Kitabyna jazbalardy engizý jylyna bir ret júrgiziledi. 8. Dańq Kitaby Qazaqstan Respýblıkasynyń Ulttyq murajaıynyń murajaı qoryna engiziledi. 9. Qazaqstan Respýblıkasynyń Dańq Kitaby Qazaqstan Respýblıkasynyń Ulttyq murajaıynda jeke qoıylǵan tuǵyrǵa ornalastyrylady. 10. Qazaqstan Respýblıkasynyń Dańq Kitabyn joıýǵa jol berilmeıdi.