Aldymyzda bolashaǵymyzdy tańdaý mindeti tur

Keshe Qazaqstan Respýblıkasynyń prezı­denttigine kandıdat Nursultan Nazarbaevtyń Respýblıkalyq qoǵamdyq shtabynyń (RQSh) músheleri О́skemen qalasynda Úlbi metallýrgııa zaýytynyń jumysshylarymen, jastar belsendilerimen jáne Shyǵys Qazaqstan oblysynda halyqty áleýmettik qorǵaý máselelerin úılestirýmen aınalysatyn ÚEU ókilderimen kezdesti. Delegasııa quramynda Respýblıkalyq qoǵamdyq shtabtyń jetekshisi Muhtar Qul-Muhammed, «Nur Otan» partııasy Tóraǵasynyń birinshi orynbasary Baýyrjan Baıbek, Qazaqstan Patrıottar partııasynyń tóraǵasy Ǵanı Qasymov, «Aq jol» demokratııalyq partııasynyń tóraǵasy Azat Perýashev, «Birlik» partııasynyń tóraǵasy Serik Sultanǵalı, Qazaqstan Múgedekter konfederasııasynyń prezıdenti Janat Omarbekova, «KTK-nyń» jeke habar taratýshy dırektory Artýr Platonov, Qazaqstan Respýblıkasy Taý-ken ónerkásibi eńbekshileri kásipodaǵynyń tóraǵasy Asylbek Nuralın, Parlament Májilisiniń depýtattary Baqytjan Ertaev, Tólegen Ibraev, Nurtaı Sabılıanov, Olımpıada chempıony Olga Rypakova, t.b. boldy. О́skemen qalasynda Úlbi metallýrgııa zaýytynyń tantal óndirisi sehynyń jumysshylarymen kezdesý ótti. «Nursultan Ábishuly Nazarbaevtyń jasampazdyq qyzmetiniń jemisteri barshańyzdyń kóz aldaryńyzda. Olar osynda – Qazaqstannyń Shyǵysynda da bar. Shyǵys Otanymyzdaǵy barlyq ınnovasııalyq ónimniń besten bir bóligin beredi. Bul taǵdyr syıy emes, Elbasynyń asa zor eńbeginiń nátıjesi. Biz shyǵysqazaqstandyqtar Memleket basshysyn qoldaýdyń eń joǵary nátıjesin kórsetetinine senimdimiz», dep atap kórsetti kezdesýde M.Qul-Muhammed. О́z kezeginde zaýyt jumysshylary N.Á.Nazarbaevty qoldaıtyndyqtaryn bildirdi. «Zaýyt jastary Memleket basshysynyń strategııalyq josparlaryn qoldaıdy jáne biz osy orasan mindetterdi júzege asyrý úshin barlyq kúsh-jigerimizdi jumsaımyz. 26 sáýirde aldymyzda asa mańyzdy mindet – ózimizdiń bolashaǵymyzdy tańdaý mindeti tur! Eger jastarymyz Elbasymyzǵa qarap boı men oı túzeýge umtylatyn bolsa, onda Qazaqstannyń zor tabystarǵa jetetini kúmánsiz. Nursultan Nazarbaevtyń Qazaqstandy qýatty, berik jáne órkendegen el jasaıtynyna senimdimiz!» – dedi óziniń sózinde «ÚMZ» AQ-tyń óndiris ınjeneri Rınat Qudabaev. «Sizderdiń zaýyttaryńyz – 65 jyldyq óndiristik dástúri bar keremet kásiporyn. Búginde munda shamamen 4 000 adam jumys isteıdi. Esterińizge túsirińizdershi, osydan bar-joǵy 20 jyl  ǵana buryn elimizde shahtalar men kásiporyndar jabylyp, eńbekaqy men zeınetaqy tólenbedi, jumys ta joq edi. Biraq biz osy asa aýyr kezeńnen ótip, qýatty elge aınaldyq, Otanymyzda orasan zor ózgerister júrdi. Osy jaýapty, tarıhı sátte taǵy da Nursultan Nazarbaevqa ózimizdiń qoldaýymyzdy kórsetetin ýaqyt keldi. Biz tek Elbasymen ǵana jańa uly jeńisterge jetemiz!», – dep atap kórsetti B.Baıbek. RQSh músheleri saparlary barysynda «Úlbi» Mádenıet úıinde boldy. Sondaı-aq, Oqýshylardyń shyǵarmashylyq úıi men Metallýrgterdiń mádenıet úıine atbasyn tiredi. Sharalarǵa myńdaǵan óskemendik qatysty. О́zderiniń sózderinde olar táýelsizdiktiń 23 jylynda Elbasy Qazaqstannyń berik irgetasyn qalyptastyrǵanyn atap kórsetti. «Elimizde 130 ult pen ulys ómir súrse, tek Shyǵys Qazaqstan oblysynda olardyń sany – 105! Egemen memleket qalyptastyrýdyń alǵashqy sátinen Elbasy ultaralyq birlikti, kelisim men turaqtylyqty, ekonomıkalyq ósip-órkendeýge negizdelgen qýatty da demokratııaly, áleýmettik baǵdarlanǵan memleket qurýdy eń basty basymdyq retinde qarastyryp keledi. Elbasynyń sarabdal saıasatynyń arqasynda, ultymyz ben dinimizge qaramastan, bizdiń árqaısymyzdyń daýysymyz jarqyn shyǵady!», – dedi Qazaqstan halqy Assambleıasynyń múshesi Leo Shık. Dýman ANASh, «Egemen Qazaqstan». О́SKEMEN.