MÁJILIS PEN BÝNDESTAG DEPÝTATTARY KEZDESIP, PIKIR ALMASTY

Bul júzdesý Elbasy Nursul­tan Nazarbaevtyń shaqyrýymen Germanııa Federatıvtik Respýb­lı­kasynyń Kansleri Angela Mer­keldiń Qazaqstanǵa tuńǵysh ret resmı saparmen kelýine baıla­nys­ty uıymdastyryldy. Germanııa delegasııasy quramyndaǵy Býn­destag músheleri – Klaýdııa Vıntershtaın, Fılıpp Mıssfel­der, Frans T¿nnes, Marılýıze Bekk jáne Dıtmar Barchty Qazaqstan tarapynan Májilis depýtattary – Qaırat Sádýaqa­sov, Natalıa Gellert, Egor Kappel, Aldan Smaıyl, Aıgúl Soloveva men Serik Temirbolatov qarsy aldy. Májilis depýtaty Qaırat Sá­dýaqasov sońǵy bir jarym jyldyń ishinde eki el arasyndaǵy baılanys jańasha qarqyn alǵanyn aıtyp ótti. Buǵan 2009 jylǵy tabysty ótken Qazaqstannyń Germanııadaǵy jyly men bıylǵy Germanııanyń Qazaq elindegi jyly úlken yqpal etke­nin alǵa tartty. Osydan keıin sóz alǵan Býndestag depýtaty Klaý­dııa Vıntershtaın hanym bolsa óz sózinde osy sapardaǵy ýaqyttyń ty­ǵyzdyǵyna qaramaı kóptegen mańyzdy sharalarǵa qatysqanyn, Qa­zaqstan týraly mol maǵlumat al­ǵa­nyn aıtty. “Bul biz úshin mańyz­dy sapar. Astananyń az jylda kórkeıip ketkenin birden baıqadyq. Eldiń ekonomıkalyq jaǵynan óskeni de bizdi qýantyp otyr”, — dedi ol. Meıman qazaqstandyq árip­testerin zań shyǵarý isinde tá­jirıbe almasý maqsatynda óz eline kelip qaıtýǵa shaqyrdy. Germanııa Qazaqstanmen saýda-ekonomıkalyq áriptes elderdiń ishinde bastapqy ondyqqa enedi. Qos memlekettiń yntymaqtastyq, saıası-ekonomıkalyq baılanysy arta túsýine ótken jylǵy 3 aqpanda Prezıdent Nursultan Nazarbaev­tyń atalmysh elge jasaǵan resmı sa­pary, memleket basshylarynyń joǵary deńgeıde ótken kezdesýleri úlken serpin berdi. “Germanııa Qazaqstannyń syrt­qy saıasattaǵy ustanymdaryn qol­dap keledi, ol úshin rızashyly­ǵy­myz­dy bildiremiz. Atap aıtqanda, GFR bizdiń eldiń EQYU-ǵa tóraǵa­lyq etýin jáne EQYU Sammıtin Qa­zaqstanda ótkizý týraly Nur­sultan Nazarbaevtyń bastamasyn qol­dady”, – dedi depýtat Q.Sádýaqasov. Kezdesýde taraptar parlament­aralyq baılanysty damytý týraly oılarymen bólisti. Aıta ketý ke­rek, Májiliste Qazaqstan-Germa­nııa parlamentaralyq yntymaq­tas­tyq tobynyń 24 múshesi bar. Oǵan Májilistiń Halyqaralyq ister, qorǵanys jáne qaýipsizdik komı­te­tiniń tóraǵasy Ámzebek Jolshy­bekov jetekshilik etedi.