«Saryarqa» «Bratına kýbogynyń» shırek fınalyna shyqty

ASTANA. 6 naýryz. Joǵary hokkeı lıgasynda (JHL) oınaıtyn Qaraǵandynyń «Saryarqasy» jarystyń shırek fınalyna shyqty. Bul týraly egemen.kz habarlady. Pleı-off kezeńiniń alǵashqy satysynda «Saryarqa» Chelıabınskiniń «Chelmetimen» talasqa tústi. Alǵashqy úsh oıynda jeńiske jetken qaraǵandylyqtar tórtinshi jáne besinshi kezdesýlerde jeńilýge májbúr boldy. Al búgin Chelıabınskide bolǵan altynshy oıynda bizdiń komanda qarsylastaryn júndeı tútti. Birinshi jáne ekinshi kezeńderde alty shaıba soǵyp úlgergen «Saryarqa» oıynnyń sońǵy bóliginde taǵy bir márte nátıjeli soqqy jasady. Aıdyn ıeleri «Saryarqanyń» jeti shaıbasyna ekinshi kezeńde soqqan jalǵyz golmen ǵana jaýap berdi. Oıyn barysynda «Saryarqa» sapynan Evgenıı Rymarev het-trık atansa, Sergeı Ogorodnıkov eki ret mergendigimen kózge tústi. Odan bólek, Evgenıı Belýhın men Mıhaıl Panshın enshilerine bir shaıbadan jazdy. Aıta keteıik, «Saryarqa» bıyl JHL-dyń turaqty lıgasyn jeńip aldy. 52 oıynnan 110 upaı jıǵan komanda ekinshi oryn alǵan Ijevskiniń «Ijstalinen» 15 upaı ozyp ketti. Sondaı-aq, «Bratına kýbogynyń» qazirgi ıegerleri de osy qaraǵandylyq hokkeıshiler ekeni belgili. «Saryarqamen» qatar, saıystyń bul kezeńinde taǵy bir Qazaqstannyń komandasy óner kórsetti. Ol – О́skemenniń «Qazsınk-Torpedosy». О́kinishke qaraı, atalǵan komanda 1/8 fınaldan asa almady. О́skemendikter tórt oıynnan turǵan tartysta «Ijstalǵa» ese jiberdi. Elaman Qońyr. Derek: egemen.kz. Sýret: vhlru.ru.