“Qazaqtelekom” ujymdyq blogynyń kindigi kesildi

Taıaý kúnderi – “Qazaqtelekom” AQ basshylyǵy óziniń korporatıvtik blogyn qurǵany týraly baspasóz máslıhatynda málimdep, jarty jyldyqty qorytyndylady. Aqparattyq tehnologııalar zamanynda ǵalamtorda óz únińniń bolýy – bul telekommýnıkasııalyq kompanııaǵa laıyqty úrdis. Zamana úderisi basqa emes, óz degenin jasatady. Al pikir-usynys bildirip, kózqarasyńdy qorǵaýda blog qurý taptyrmas ádis ári ınternettiń eń utymty ıgiliginiń biri de osy. Endigi jerde kez-kelgen adamnan bastap, “Qazaqtelekomnyń” qyzmetin paı­­- da­lanatyndar, top-menedjer­ler­men birge operatordyń  qarapaıym qyz­metkerine deıin www.blog.telecom.kz veb-saıty arqyly ózara erkin pikir almasatyn bolady. Bul týraly kompanııanyń basqarma músheleri Almatyda ótken arnaıy baspasóz máslıhatynda baıandady. Eleýli oqıǵany buqaraǵa jarııa etý barysynda “Qazaqtelekom” AQ Basqarma tóraǵasy Qýanyshbek Ese­keev kompanııada búginde bas­qarýdyń zamanaýı ádisteri engizilip, onyń biri –  korporatıvtik blog arqyly aqparattyq ózara áreket etý bolyp tabylatyndyǵyn atady. – Qazirgi tańda kompanııa qazaq­stan­dyqtardyń ıgiligi úshin baı­lanys qyzmetiniń san alýan túrin usynýda. Sondyqtan  ınternetke shy­ǵyp, blog salasynda jumys bas­taýǵa sheshim qabyldadyq. Menińshe, korporatıvtik blog arqyly abonentterdiń qyzmetterdi qoldanýy kezinde týyndaıtyn kóptegen máselelerdi sheshe alamyz, – dedi Qýanyshbek Esekeev. Sonymen qatar, “Qazaq­tele­komnyń” bıylǵy alǵashqy 6 aıdaǵy taza tabysy 20 mlrd. 635 mıllıon teńgeni quraǵan. Bul ótken jyldyń osy kezeńimen salystyrǵanda 2 ese artyq. Jáne ústimizdegi jyldyń 6 aıynda kompanııa quny 24,1 mıl­lı­ard teńge quraıtyn qural-jabdyqtar, jumys jáne qyzmet túrlerin satyp alýǵa 5,5 myńnan astam kelisim-shart jasaǵan. Onyń ishinde qazaqstandyq úles 62,3 paıyz, al aǵymdaǵy josparlyq kórsetkish 54,5 paıyz edi. Tek jarty jyldyń ishinde jańa 126 437 telefon nómiri ornatylǵan. Búginde elimizdiń árbir 100 turǵynyna 22,7 nómirden keledi.  Osylaısha “Qazaqtelekom” AQ óziniń buqara aldyndaǵy qyzmetin kúsheıtýdi úzdiksiz jalǵastyryp kele jatqan­dyǵyn dáıekteýde. – Biz óz klıentterimizben jumys isteýdi barynsha jaqsartyp kelemiz. О́ıtkeni abonenttermen tyǵyz baı­la­nysta bolýymyz mol tabysqa bas­taıdy. Dál qazirgi kezde “Qa­zaq­telekomnyń” qyzmetin tu­ty­natyn­dardyń sany 3,5 mıllıonnan asty, – dedi kompanııanyń Bas kommer­sııalyq dırektory Asqar Eser­kegenov. Al, jańa ashylǵan korporatıvtik blogyna keletin bolsaq, ol elimizdegi alǵashqy blogıng. Bul ǵalamtor salasy damyǵan tusta týyndap otyrǵan qajettilik ekendigin jo­ǵaryda atadyq. Onda abonentter kompanııanyń basshylarynan bastap, top-menedjerleri men qarapaıym qyzmetkerine deıin tikeleı baılanysqa shyǵyp, kókeıdegi saýalǵa naqty jaýap alady. “Qazaqtelekom” basshylyǵynyń aıtýynsha,  ujymdyq blog arqyly onlaın konferen­sııalardy da ótkizýge bolady. –  Korporatıvtik blogıng degen jal­py Qazaqstan úshin jańa qu­bylys. Bizdiń blogtyń kelermenderi bas­tapqyda kemshilikterimiz bolsa,  túsine qaraıdy dep oılaımyz. Jáne klıentterimizdiń barlyq túsinik­temeleri men tilekterine jaýap­ker­shilikpen qarap, jedel ún qatysyp otyratyn bolamyz, – deıdi  “Qazaqtelekom” AQ Strategııalyq basqarý jónindegi bas dırektory Batyr Mahanbetájıev. Kompanııa jetekshiligi jańadan tu­saýy kesilgen blog arqyly óńirlerdegi abonentterdiń de “Qazaq­telekomnyń” qyzmetine baılanysty  qandaı da bir túıtkildi talaptary bolsa bilip otyrýǵa múmkindik te týatyndyǵyn aıtady. “Qazaqtelekom” AQ aqparattyq tehnologııalar jónindegi bas dırektory Marat Ábdildabekov blogtyń Wordpress  platformasynda qurylǵandyǵyn jáne ol udaıy jańartylyp otyratyndyǵyn atady. Kindigi kesilgen blogtyń  qazaqsha áripterdi qoldaıtyn  platformada ornalasýy quptarlyq-aq. Munyń ózi de ulttyq operatorymyzdyń memlekettik tilge qurmeti men ońdy qadamy dep bilý kerek. – Ujymdyq blog ınternet qaýym­dastyqtyń baılanys opera­tordyń qyzmetine degen pikir, usynystaryn saralap berip otyrady. Eń bastysy bul táýelsiz kózqarastar, – dedi Asqar Álibekuly. Ne desek te, “Qazaqtelekom” AQ korporatıvtik blogy – qazaqstandyq  kor­poratıvtik blogıngterdiń alǵash­qysy. Kompanııa jetekshileri al­daǵy 2-3 jylda elimizde bul jańashyldyq bastama jappaı beleń alatynyna senimdi. Ujymdyq blog onlaın konferensııalaryn ótkizýge de mol múmkindik beredi. “Qa­zaq­telekom” aldaǵy ýaqytta keń jolaqty “Megalaın” ınternet jelisin paıdalanýshylarǵa da jańa qyzmet túrlerin usynbaq. Al aýyldyq telefon tutynýshylary úshin CDMA jelisin tartyp berý jalǵasa bermek. Búginde bul jańa býyndy telekommýnıkasııa júıesine 240 myńnan astam aýyl halqy qosylyp úlgergen. Sol sııaqty jarty jylda elimizde ınternetke keń jolaqty qosylysty qoldanýshylar sany  1 698 686 adamǵa jetken. Abonentterdiń qaperinde bolýǵa tıisti, taǵy bir atap óterlik mańyzdy jáıt – kompanııa baǵa saıasatynda da turaqtylyq tanytyp, telekommýnıkasııa naryǵynda tarıftik qundy edáýir tómendetken. Naqty aıtqanda otandyq tu­tynýshylar úshin shetelmen jáne TMD-men sóılesý  80 paıyzǵa arzandaǵan. Aqıqatynda óz mıssııasyn tabysty atqaryp kele jatqan, “Operatorlardyń operatory” atanǵan qazaqstandyq kompanııada atqarylyp jatqan aýqymdy tirlikter tolassyz. Aınash ESALI, Almaty.