Qazaqstan Respýblıkasy Prezıdentiniń keıbir jarlyqtaryna ózgerister engizý týraly
Qazaqstan Respýblıkasyndaǵy memlekettik josparlaý júıesiniń odan ári jumys isteýi maqsatynda qaýly etemin:
- Qazaqstan Respýblıkasy Prezıdentiniń keıbir jarlyqtaryna engiziletin ózgerister bekitilsin.
- Osy Jarlyq alǵashqy resmı jarııalanǵan kúninen bastap qoldanysqa engiziledi.
«Qazaqstan Respýblıkasy Prezıdentiniń
keıbir jarlyqtaryna ózgerister engizý týraly»
Qazaqstan Respýblıkasy Prezıdentiniń
2015 jylǵy 25 tamyzdaǵy № 73 Jarlyǵyna
TÚSINDIRME
Memleket basshysynyń «Qazaqstan Respýblıkasy Prezıdentiniń keıbir jarlyqtaryna ózgerister engizý týraly» 2015 jylǵy 25 tamyzdaǵy № 73 Jarlyǵy «Qazaqstan-2050» Strategııasy men álemniń eń damyǵan 30 eliniń qataryna kirý jónindegi tujyrymdamasynda belgilengen jańa basymdyqtardy eskere otyryp, qoldanystaǵy Eldi aýmaqtyq-keńistikte damytýdyń 2020 jylǵa deıingi boljamdy shemasyn jańartyp, ózektendirýge baǵyttalǵan. Atap aıtqanda, Boljamdy shemanyń qurylymy men formaty qaıta qarastyrylǵan, óńirlerdi jikteýdiń ekonomıkalyq mamandaný, qonystandyrý júıesi, naryqtyq baılanystar sıpatynyń ólshemderine negizdelgen jańa tásili aıqyndalǵan. О́zgeristerge sáıkes Boljamdy shema – bul óńirlik damýynyń jalpy paıymyn kórsetetin 2020 jylǵa deıingi tujyrymdamalyq qujat. Boljamdy shema memlekettik basqarý júıesiniń satylas baǵynyńqy qujattary arqyly iske asyrylatyn bolady. Qazaqstan Respýblıkasy Prezıdenti Ákimshiliginiń Strategııalyq ázirlemeler jáne taldaý ortalyǵy
