Halyqaralyq ǵarysh kesheninde qazaq dastarhany jaıylady

ALMATY. 27 tamyz. Máskeý túbindegi Jýkovskıı qalasynda «Qazǵaryshtyń» basshysy Talǵat Musabaevpen «Roskosmos» basshysynyń mindetin ýaqytsha atqarýshy Aleksandr Ivanov qazaq ǵaryshkeri ushatyn saparǵa baılanysty eki jaqty kezekti kelisimge qol qoıdy. Bul týraly RIA Novostı habarlady. «Soıýz TMA-18M» ǵarysh kemesiniń ekıpajy «Roskosmostyń» kosmonavy Sergeı Volkov, Eýropalyq ǵarysh agentiginiń astronavy Andreas Mogensen jáne Qazaqstan Respýblıkasynyń ǵaryshkeri Aıdyn Aıymbetovtiń Halyqaralyq ǵarysh keshenine (HǴK) attanatyn sapar ýaqyty 2015 jylǵy 2 qyrkúıekte, 07 saǵat 34 mınýtta (Máskeý ýaqyty) bastalady dep belgilendi. Ǵaryshkerler qazir – Baıqońyrda. Osyndaǵy montajdaý-synaq kesheninde sońǵy jattyǵýlar jasaý ústinde. Olar qaladaǵy ǵaryshkerler alleıasyna aǵash otyrǵyzdy. Aıdynnyń áriptesteri qazaq tamǵamdarynan dám tatty. Ǵarysh keńistiginde de qazaq dastarhany jaıylatyny osy kúni belgili boldy. О́ıtkeni, Aıdyn Aıymbetov ǵaryshqa qazaqsha et pen qazy, qymyz alyp ushady. Árıne, budan ult taǵamdary pisken ıakı shıki túrinde degen oı týmaýy kerek, taǵamdar ushý talabyna saı sýblımasııalanyp, pakettelingen. Talǵat Súıinbaı. Derek, sýret: RIA Novostı